Amed dê mazûvaniya duyemîn Foruma Avê ya Mezopotamyayê bike, ya yekem di sala 2019an de li Silêmaniyê hatibû lidarxistin.
Forum ku ji aliyê Şaredariya Bajarê Mezin, tevgerên ekolojiyê û rêxistinên civaka sivîl ve hatî vexwendin, dê di navbera 17-19ê Cotmehê de li Navenda Çand û Kongreyê ya Çand Amedê were lidarxistin.
Hewzayên avê dê bên gotûbêjkirin
Forum, ku bi organîzekirina Serokatiya Daîreya Guherîna Avhewayê û Sifir Bermayî ya Şaredariya Bajarê Mezin tê lidarxistin, dê pirsgirêkên avê û yên têkildarî avê yên di Hewzaya Mezopotamyayê de, bi nêrîneke yekgirtî li ser bingehê taybetmendiyên Dîcle û Firatê ku jiyanê didin hewzayê û Gola Wanê, gotûbêj bike.
"Hebûnên avê ne tenê çavkaniyên fizîkî ne"
Foruma Ava Mezopotamyayê, ku polîtîkaya avê ya li ser prensîbên azadiya jiyanê, hevsengiya ekosîsteman û dadmendiya ekolojîk qebûl dike, di bingeha vê nêrînê de armanc dike ku av ji amûreke serdestî û desthilatdariyê bibe hêmaneke damezrîner a hevgirtin û aştiyê.
Forum tekez dike ku di Mezopotamyayê de, hebûnên avê ne tenê çavkaniyên fizîkî ne, di heman demê de hebûnên jiyanî ne ku bîra dîrokî, cihêrengiya çandî û awayên jiyanê yên hevgirtî yên gelan digirin.
Beşdarî
Ji 100î zêdetir nûnerên rêxistinên civaka sivîl, çalakvan, lêkolîner, rojnamevan û nûnerên civakên herêmî yên ji Tirkiye, Ewropa, Îran, Iraq û Sûriyeyê ku ji bo mafên avê têdikoşin, dê beşdarî forumê bibin.
(AY)
*Çavkanî: Malpera Şaredariya Bajarê Mezin a Amedê
