Ji bo nûçeya tirkî bitikîne
Li bajarê Amedê 7em festîvala belgefilman FilmAmed bi merasîmekê dest pê kir.
Endamên Meclisa Dayikên Aştîye, endamên Tevgera Jinên Azad (TJA), parlementera Partiya Demokratîk a Gelan (HDP) Saliha Aydeniz, endamên rêkxistinên civata sîvîl û sînemahez beşdarî bernameyê bûn.
Çarikên spî hatin belavkirin
Beriya ku bername dest pê bike çarikên spî hatin belavkirin. Dayika Aştîye Nezahat Teke li ser grêvên birçîbûne wiha got: “...berî term ji zindanan derkevin divêt herkes dengê me dayikan bibihizê!”
Endama organîzasyona Komeleya Akademiya Sînemayê ya Rojhilata Navîn (KASR) Serap Erginê wiha got: “Lêgerîna me a li ser hunerê ji bo pêşketina civakê, azadîya jinê û jiyaneke yeksan a bi xwezayê re ye û ji Yilmaz Guney heta Halîl Dag, ji Mehmet Aksoy heta Masîroyî rêyek dirêj e. Di van rojên ku rojnameger, rewşenbîr û nivîskar dihêtin binçavkirin de, çêkirina vê festîvalê ji bo me pir girîng e.”
Parlementera HDPyê Saliha Aydenizê jî got: “Kurd her tim bi wêje, çand û hunerên xwe li ser piya û di nav tekoşîneke de bûn. Di hemû pêvajoyan de jin her tim sereke bûne ku îro jî serkêşiya festîvalê dikin. Digel ku di dîroke de zilm, zordarî û çewisandin hebûye lê çand, huner û wêje qet ne li cihê xwe nesekiniye û her tim bi pêş ve çûye.”
Belgefilma Ez Şoreş im hate nîşandin
Piştî axaftvanan belgefilma pêşî a bi navê Ez Şoreş im (I Am The Revolution) hat nişandan. Derhênera film Benedetta Argentieri ye. Elizabeth Pauker jî çêkêr e. Film behsa 3 jinên şoreşger dike. Di filmî de behsa wekheviya zayendî û azadiye hatiye kirin.
Di festîvalê de ji Rojava heta Ewropayê, ji Amerîkaya Başûr heta Rojhilata Dûr û ji Rojhilata Navîn 44 film wê bên nişandan. Filmên kurt û dirêj wê li Salonên Sînemayê yên ÇandAmedê û li Odeya Mîmaran a Yekîtiya Odeyên Mîmar û Endezyaran a Tirkiyeyê (TMMOB) bên nîşandan. (MT/EKN/LA/FD)
* Fotograf: Mezopotamya Ajansı
** Lezgîn Akanî ev nûçe ji zimanê tirkî wergerandiye.
.jpg)
