Fezlekeya “parêzbendiya” 5 parlementeran şandine Meclîsê
Dosyayên derbarê parlamenterên DEM Partiyê Sirri Sureyya Onder, Pervîn Buldan, Salîhe Aydenîz, Huseyîn Olan û Parlamenterê TÎPê yê Stenbolê Ahmet Şik de şandine komîsyona têkel ya Meclîsê.
Biryarnameyên Serokomariyê yên têkildarî rakirina parêzbendiya 5 parlamenteran, Serokatiya Meclîsê şandiye ji Komîsyona Têkel re ku ji endamên Komîsyona Destûra Bingehîn û Edaletê pêk tên.
Parlamenterên ku derbarê wan de fezleke amade bûye ev in: Alîkarê Serokê Meclîsê û Parlamenterê DEM Partiyê yê Stenbolê Sirri Sureyya Onder, Parlamentera DEM Partiyê ya Wanê Pervîn Buldan, Parlamentera Mêrdînê ya DEM Partiyê Salihe Aydenîz, Parlamenterê DEM Partiyê yê Bilîsê Huseyîn Olan û Parlamenterê TÎPê yê Stenbolê Ahmet Şik.
Di nava fezlekeyan de 3 dosyayên Parlamenterê Bedlîsê yê DEM Partiyê Huseyîn Olan hene.
(AS/AY)