Ferhenga termên derûnnasiyê bi kurdî hat weşandin

Ferhenga Termên Derûnnasiyê (Dictionary of Psychology) ya bi zimanê kurdî, ji aliyê Brahîmê Alûcî ve hatiye amadekirin û di Gulana 2025ê de li Mêrdînê weke e-kitêb hatiye weşandin.

Armanca vê ferhengê ewe ku têgehên bingehîn û sereke yên derûnnasiyê bi kurdî pêşkêş bike.

Têgehên zanistî

Di naveroka ferhengê de, têgehên cida yên derûnnasiyê ji têgihîştina bingehîn a hişê mirovî heta şaxên derûnnasiyê, weke derûnnasiya klînîkî, derûnnasiya civakî, û derûnnasiya geşedanê, bi awayekî hêsan hatine şîrovekirin. Her têgeh bi terma xwe ya îngilîzî hatiye diyarkirin da ku xwîner karibin têkiliyê di navbera zimanê kurdî û terminolojiya navneteweyî de çêbikin.

Çavkaniyên bingehîn

Ferheng bi hewldaneke hevpar a pisporên zimanê kurdî û derûnnasiyê hatiye amadekirin û termên wê ji çavkaniyên weke Kovara Derûnnasiyê ya Kurdî û Ferhenga APA Dictionary of Psychology hatine wergirtin. Armanca ferhengê ew e ku bibe bingehek ji bo xebatên dî yên di warê derûnnasiyê de bi zimanê kurdî.

Ji bo daxistina Ferhenga Termên Derûnnasiyê bitikîne 

(AY)

*Çavkanî: BotanTimes