Ji bo nûçeya Tirkî bitikîne
Dewletên Yekbûyî yên Amerîkayê(DYA) quds wek paytexta Îsraîlê nas kir. Serokê Partiya Dad û Geşepêdanê(AKP) û serokkomarê Tirkiyeyê Recep Tayyîp Erdoganî duhî biryara DYAyê û Îsraîl rexne kir. Wî got: “Îsraîl dewleteka dagirker e, Îsraîl dewleteka terorîst e.”
Serokwezîrê Îsraîlê li Fransayê piştî civîneka digel serokkomarê Fransayê Emmanuel Macronî bersiva pirsên medyakaran da wî got: “Berrêzê Erdogan êrîşî Îsraîlê kir.”
Wî li gotinên xwe zêde kir û got:
“Ez ji wî rêberî dersê nastînim(Erdogan) ku li welatê xwe bombe li gundên kurdan barandine, rojnameger kirine di girtîgehan de, alîkariya binpêkirina sepandina li ser Îranê kiriye û Xezze jî tê de alîkariya terorîstan kiriye ku mirovên bêguneh bikujin.”
Berdevkê serokkomariyê, Îbrahîm Kalinî da zanîn ku Serokkomariya Tirkiyeyê gotinên serokwezîrê Îsraîlê, Benjamîn Netenyahûyî şermezar dike.(PT/MB)
