“Erka we ew e ku hûn nehêlin çeteyên Îslamofaşîst Hefteya Rûmetê bikin armanc”

Nîgar: istanbulpride/instagram.com/p/CfJoRreIkP3/

Ji bo nûçeya tirkî bitikîne

Hefteya Rûmetê ya ÎstanbuLGBTI+yê li ser hesabê xwe yê Twitterê daxuyaniyek weşandiye û ji ber ku çalakiyên Hefteya Rûmetê qedexe kirine, Walîtiya Stenbolê û Qaymeqamiya Beyoglû û Kadikoyê rexne kirine.

Walîtiya Stenbolê û herdu qaymeqamiyan di 20ê Hezîranê de aşkere kiribûn ku çalakiyên Hefteya Rûmetê yên li Stenbolê qedexe bûne.

“Nameya aşkere”

Daxuyanî bi sernavê “Name û daxwazên aşkere ji bo Walîtiya Stenbolê, Qaymeqamiya Beyoglû û ya Kadikoyê, Suleyman Soylû û Serokomarê 12em” hatiye weşandin. Tê de behsa gefxwarinên wan koman hatiye kirin û hatiye gotin, “ew komên di bin ala Îslamtiyê de” kar û xebatan dikin, gefa êrîşkirinê li wan bernameyan dixwun ku tên plankirin 25ê Hezîranê roja Yekşemê, li Taksîmê pêk bên.

“Nabe li beramberî bangên tundkariyê hûn bêdeng bimînin”

Sazkarên Hefteya Rûmetê bang li Wezareta Karûbarên Navxweyî û Walîtiya Stenbolê kirine û ew hişyar kirine:

“Çeteyên paşverû û Îslamo-faşîst bi wê bangewaziyê, bi rengekî aşkere ‘di nava gel de kîndarî û nefretê çêdikin’ û ev jî li gorî destûra bingehîn sûc e.” Sazkaran bi van gotinan dewam kiriye: “Nabe li beramberî bangên tundkariyê yên van çeteyan hûn bêdeng bimînin ku bi tenê ji bo bi me bikaribin hatine berdan.”

Hefteya Rûmetê ya IstanbuLGBTI+yan ji Walîtiya Stenbolê û Wezareta Karûbarên Navxweyî xwestine ku erka xwe ya esasî ji bîr nekin: “Erka we ye ku hûn nehêlin ev bangewazî bên kirin, ev kom 26ê Hezîranê roja Yekşemê li Taksîmê kom bibe û me lûbûnyayan bikin armanc.” (AEK/FD)