"Em ji bo Bahar Aksû û hemû jinen ku hatine qetilkirin li qadan in"

Arzu Koçê li ser navê platformê daxuyaniya çapemeniyê xwend. Koçê di daxuyaniya çapemeniyê de wiha got: "Em îro li vir in û careke din bang dikin ku em ê têkoşîna xwe ya li dijî kesên ku Tirkiyeyê vediguherînin welatekî ku hema bêje kuştina jinan lê bûye asayî û tûndkarî di her warî de sazî bûye berfireh bikin."

Koçê wiha dirêjî da axavtina xwe "Jin tûndkariya ku mêr weke çarenûs pêşkeşî wan dikin qebûl nakin û ji bo azadî û jiyanê têdikoşin. Em bi hêrs in ji ber ku kuştinên jinan ji ber sîstemeke serdest a mêr pêk tê û bi hemû saziyên xwe bi awayeke rêxistinkirî li dijî têkoşîna jiyan û azadiyê ya jinan e."

Koçê diyar kir ku di 3 mehên destpêkê ên sala 2025an de 98 jin hatine qetilkirin û wiha dewam kir: "156 jinan bi awayeke bi guman de jiyana xwe ji dest dane, 207 jin rastî tundkariyê hatine û birîndar bûne, 41 jin rastî tacîza zayendî hatine û 5 jin jî rastî tundkarî û destdirêjiyê hatine. Piraniya kuştinan ji aliyê hevjîn an hevjînê berê ve hatine kirin. Dîsa piraniya kuştinan li malê qewimîn e."

Koçê bal kişand ser wê yekê ku şert û mercên ku jin tê de dijîn cûda ne û wiha got: "Bêyî cudahiyên weke bawerî, cudahiyên weke jiyanî, çînî,  aborî û temenî hene. Divê jin di hemû qadên jiyanê de bi hev re têbikoşin û li dijî vê pêla tundkariyê ya ku ji bo jinê gef e, bibin yek. Avakirina civakeke demokratîk ku wê rêzê li wekheviya civakî ya jin û zarokan bigire û bidestxistina mafan misoger bike, wê pêşeroja demokratîk a hemû beşên civakî misoger bike."

Daxuyaniya çapemeniyê bi gotina "Ev soza me ye ji bo her hevaleke me ya jin ku hatine kuştin. Em ê têkoşîna ji bo civaka demokratîk û azadiya jinan mezin bikin" bi dawî bû. Her weha jinan piştî daxuyaniya çapemeniyê dirûşma 'Jin jiyan azadî' berz kirin.

(ED/AY)