Ekolojîst Erdogan Odûk: Ger bi vî awayî berdewam bike 20 sal şûn de wê Behra Wanê biçike

Ji ber guherîna avhewayê ya kurewî û hişkesaliyê tevî berf û barana zêde jî rêjeya asta avê li Gola Wanê herku diçe kêmtir dibe. Têkildarê kêmbûna asta avê Rêveberê Komeleya Ekolojiyê ya Wanê Erdogan Oduk û şêniyê deverê Îzzet Akbaş ji bianetê re axivîn.

Wesîla Torî

Bi hezaran salane ku Behra Wanê li ser axa Herêmê hem bi xweşkatiya xwe hem jî bi dewlemendîya xwe ya wek çavkaniyê bûye cihekî nebenabeyî.

Ligel qeyran û kaosên ekolojîk îro wek gelek deverên heyî Behra Wanê jî di bin xetereyeke pir mezin de ye û li ber tunebûnê ye.

Derbarê Behra Wanê de yek ji aktivîst û rêveberiya Komeleya Ekolojiyê ya Wanê Erdogan Odûk hişyariya ku dê 20 sal şûn de Behr biçikê dide.