Ebû Hatim Şakra weke "berpirsiyarê" deverên di bin kontrola HSDê de hat wezîfedarkirin
Wezareta Parastinê ya Sûriyeyê Ebû Hatim Şakra (Ehmed Îhsan Feyad el-Heyis) kujerê siyasetmedara Kurd Hevrîn Xelefê yê bi navê Hatim Ebû Şeqra wekî fermandarê lîwaya 86an a Dêrezor, Reqa û Hisîçayê di roja Duşema 5ê Gulanê de tayîn kir.
Fermandarê rêxistina Ahrar’uş Şarkkiyeyê ji Zanîngeha Artûklûyê derçûye
Wezareta Xezîneyê ya DYAyê di Tîrmeha 2021yan de ji ber sûcên ku kirine, Arhar’uş Şarkiye xistibû nav lîsteya kesên mueyide li wan tê kirin. Yek ji wan kesên ku Wezaretê biryar derbarê wî de daye Ebû Hatem Şakra ango Ahmed Îhsan Fayyad el-Hayes, yê din jî pismamê wî Ebû Cafer şakra ango Raed Jassim al-Hayes (Raed al-Hayes) bû. Di heman demê de Komîseriya Bilind a Mafên Mirovan a Neteweyên Yekgirtî, ji ber çalakiyên wan, rêxistin bi “kirina sûcên şerî” tohmet kiribû.
Li gorî rojnameya Eş-Şark’ul Awsatê ku navenda wê li Londonê ye û ji aliyê Erebistana Siûdî ve tê fînansekirin, tayînkirina Şakra weke fermandariya lîwaya 86an, dê bandorê li peymana di navbera rêveberiya Şamê û Hêzên Sûriyeya Demokratîk (HSD) de bike.
*Beşek mezin Reqa, Hesekê û Dêra Zorê di bin kontrola Rêveberiya Xweser a Bakur û Rojhilatê Sûriyeyê de ye. Şakra wek serokê fermandariya ku ji van hemû herêman "berpirsiyar" hat tayînkirin. (Nexşe: Liveuamap)
HSD û YPJê bertek nîşan dan
Berdevka Yekîneyên Parastina Jin (YPJ) Roksan Mihemedê li ser hesabê xwe yê Xê biryara Hikûmeta Sûriyeyê şermezar kir.
Hêzên Sûriyeya Demokrat (HSD) jî ragihand ku erkdarkirina kujerekî wekî Hatim Ebû Şeqra ya di postên hestyar ên Sûriyeyê de nayê qebûlkirin.
JI ZANÎNGEHA ARTÛKLÛYÊ DERÇÛYE
Ji ber derçûna fermandarê Ahrar’uş Şarkkiyeyê giliyê rayedaran hatiye kirin
Hêzên Sûriyeya Demokrat (HSD) her wiha anî ziman:
“Tawankarekî ku ji bo cezakirinê tê xwestin û li ser asta navneteweyî hatiye cezakirin, pêwîst e bikeve zîndanê.”
Seroka Partiya Sûriyiya Paşerojê Hevrîn Xelef roja 12ê Çiriya Pêşîn a 2019an li ser rêya Til Temir-Eyn Îsayê di otomobîla xwe de rastî êrişeke komên çekdar hat û li gel 7 hevalên xwe yên din canê xwe ji dest da.
Hatim Ebû Şeqra ji kuştina Hevrîn Xelefê û 7 rêhevalên berpirsiyarê sereke bû.
Ebû Şeqra fermandarê koma çekdar a bi navê Ehrar el Şerqiyeyê bû ku bi ser Tirkiyeyê ve bû.
Amerîkayê ragihandibû ku çekdarên koma Ehrar el Şerqiyeyê, ji tawanên wekî kuştin, revandin, işkence û destbiserdegirtina mal û mulk berpirsiyar in û bi van sedeman ceza bi ser wê komê de sepandibû.
*Ebû Hatim Şakra (yê çep) bi Wezîrê Parastinê yê Sûriyeyê Murhaf Ebû Kasra re. (Wêne: NPA)
Çi bûbû?
Ebû Hatîm Şakra, yek ji fermandarên rêxistina bi navê Ahrar’uş Şarkkiyeyê ji Zanîngeha Artûklû ya Mêrdînê derçûye. Navê Ahrar’uş Şarkkiyeyê bi gelek “sûcên şer” re derbas dibe û gelek caran mafên mirovan binpê kiriye.
Ebû Hatîm Şakra li beşa Zanista Siyasetê û Têkiliyên Navnetewî ya Artûklûyê xwendekar bû.
Şakra 6ê Hezîranê tevî merasîma derçûnê bûye. Li ser cibbeyê Şakrayî navê Ahmed (Îhsan Fayyad) el-Hayes hatiye nivîsîn.
Ahrar’uş Şarkkiye bi kuştina Sekretera Giştî ya ya Partiya Siberojê ya Sûriyeyê Hevrîn Xelefê ve tê tohmetkirin. Her weha bi gelek kuştinên din ên sivîlan jî.
Wezareta Xezîneyê ya DYAyê di Tîrmeha 2021yan de ji ber sûcên ku kirine, Arhar’uş Şarkiye xistibû nav lîsteya kesên mueyide li wan tê kirin.
Yek ji wan kesên ku Wezaretê biryar derbarê wî de daye Ebû Hatem Şakra ango Ahmed Îhsan Fayyad el-Hayes, yê din jî pismamê wî Ebû Cafer şakra ango Raed Jassim al-Hayes (Raed al-Hayes) bû.
Di heman demê de Komîseriya Bilind a Mafên Mirovan a Neteweyên Yekgirtî, ji ber çalakiyên wan, rêxistin bi “kirina sûcên şerî” tohmet kiribû.