.jpeg)
Bi armanca protestokirina desteserkirin û girtina Ekrem Îmamoglû, xwendekarên zanîngehê li ber Cevahîr AVMya Mecîdiyekoy a Stenbolê kombûn û xwestin bimeşin Parka Maçkayê.
Wezîrê Navxweyî Yerlîkaya: Hezar û 879 kes hatine desteserkirin, 260 kes jî hatine girtin
Polîsan xwendekarên zanîngehê yên li ser banga Koordînasyona Zanîngehên Stenbolê kom bûn desteserkirin. Bi sedan xwendekar li qadê hatin cem hev û dirûşmên "Li dijî faşîzmê mil bi mil", "Polîs, sîmîtan bifiroşe, bi rûmet bijî", "Em ne terorîst in, em xwendekar in", berz kirin.
Polîsan li Stenbol û Enqereyê bi ser malan de girtin: 22 kes hatin desteserkirin
Maskeyên xwe rakin û belav bin
Polîsan li derdorê tedbîrên ewlehiyê yên berfireh girtin û ji ciwanên ku li ber AVMyê kom bûn re gotin, "Maskeyên li ber devê xwe rakin. Ji qadê belav bin. Heke hûn belav nebin dê mudaxele bê kirin û lêpirsînên qanûnî yên pêwîst bên pêkanîn."
Cevahir AVM önünde toplanan kitleye, polis müdahale etti. Polis yüzlerindeki maskeleri çıkartmaya gençleri gözaltına aldı.
— bianet (@bianet_org) March 27, 2025
📹@alidnc4 pic.twitter.com/jj2RdQIxLr
Piştî anonsa polîsan komeke ciwanan yuh li polîsan kişand û komeke din jî ji qadê derketin. Polîsan xwendekarên zanîngehê yên ji qadê derneketin dorpêçkirin. Piştî dorpêçkirinê rojnameger ji qadê hatin derxistin.
Cevahir AVM önünde toplanan kitleye, polis müdahale etti. Polis yüzlerindeki maskeleri çıkartmaya gençleri gözaltına aldı.
— bianet (@bianet_org) March 27, 2025
📹@alidnc4 pic.twitter.com/jj2RdQIxLr
Xwendekarên ku nexwestin maskeyên xwe derxin, dema xwestin ji qadê derkevin hatin desteserkirin.
Gelek xwendekar hatin desteserkirin
Girseya ku di bin dorpêçê de ma piştî demekê maskeyên li ber devê wan hatin derxistin û yek bi yek hatin desteserkirin.
Cevahir AVM önünde ablukaya alınan kitle, tek tek gözaltına alınıyor.
— bianet (@bianet_org) March 27, 2025
📹 @alidnc4 pic.twitter.com/IgAag6YrrY
(AD/AY)
