Duh 4 hezar û 217 kes bi Covid-19ê ketine, 23 kes mirine

Wezareta Tenduristiyê aşkere kiriye ku di 24 saetan de test ji bo 162 hezar û 855 kesan hatine kirin û di encamê de testa 4 hezar û 217 kesan pozîtîf derketiye, 23 kes pê mirine.

Stenbol

Duh 4 hezar û 217 kes bi Covid-19ê ketine, 23 kes mirine

Fotograf: AA

Wezareta Tenduristiyê amarên nû yên derbarê koronavîrûsê ango Covid-19ê de li ser malpera xwe ya fermî weşandiye.

Li gor van amaran di 24 saetên derbasbûyî de test ji bo 162 hezar û 855 kesan hatine kirin û di encamê de testa 4 hezar û 217 kesan pozîtîf derketiye, 23 kes pê mirine û 16 hezar û 561 kes jî baş bûne.

Wezareta Tenduristiyê ji 26ê Kanûna Paşiyê û vir ve tabloya derzîkirinê ya Tirkiyeyê zindî diweşîne. Di tabloya ku hatiye weşandin de bajar bi bajar kesên derzî li wan hatiye xistin hene.

Li Tirkiyeyê heta niha 57 milyon û 807 hezar û 483 kesan doza yekem a derziya Covid-19ê, 53 milyon û 19 hezar û 32 kesan doza 2yem, 27 milyon û 719 hezar 785 doza sêyem, li ser hev 147 milyon û 369 hezar û 656 doz derzî hatine kirin.

Derzîkirin di 13ê Kanûna Paşiyê de destpêkiribû

Li Tirkiyeyê di 13ê Kanûna Paşiyê ya 2021an de dest bi derzîkirinê kiribûn û cara pêşiyê Fahrettîn Koca, Wezîrê Tenduristiyê derzî li xwe xistibû. Li Tirkiyeyê niha derziyên Sinovac-CoronaVac û Pfizer-BioNTechê tên kirin. (AY)

Cihê Nûçeyê

Navenda Nûçeyan a BIAyê

covid-19 covîd-19 Koronaya nû kovid-19 kovîd-19 kovid koronaya nu Kovîd

Hak odaklı, çok sesli, bağımsız gazeteciliği güçlendirmek için bianet desteğinizi bekliyor.

Google ile Katkıda Bulunun

HAK ODAKLI, ÇOK SESLİ,
BAĞIMSIZ GAZETECİLİĞİ GÜÇLENDİRELİM!

bianet'e destek olmak için tıklayın

JIYAN

Dîroka Weşanê: 28 Adar 2025 10:23

~ Nûkirina Dawî: 28 Adar 2025 11:22

1 xulek Xwendin

Herdem Merwanî: Hestên xwe û civakê tînim ba hev

Helbestvan û nivîskar Herdem Merwaniyê piştî herdu pirtûkên xwe yên helbestan yên bi navê 'Çira' û ‘Reqsa Perperîkan’ pirtûka sêyem a bi navê ‘Hunera Dil’ jî derxist. ‘Hunera Dil’ ji weşanên Payizê derketiye.

Wesîla Torî

Herdem Merwaniyê di vê berhema xwe de balê dikşîne ser gelek mijarên wek bêrîkirin, zîndan, êş û azarên gelê Kurd.

Her weha bêguman balê dikşîne ser hesreta ji bo bavê xwe A. Halîm Kirtayê ku 30 salan di girtîgehê de ma û 51 roj piştî derketinê koça dawî kir.

Herdemê têkildarî pirtûka xwe ya ‘Hunera Dil’ diyar kir û got, “Dema dinivîsîm hestên xwe û civakê dixim turekî”

Dema mirov bala xwe dide jiyana Herdemê di her rizikeke wê de mirov dikare bêje ku tevahiya rastiya jiyana kurdan jî dibîne.

Herdem Merwanî di sala 1979an de li Farqînê ji dayîk bûye. Hê ji zaroktiya xwe ve nivîsandin û helbest li xweşê wê diçe. Di 13 saliya xwe de wate di sala 1992an de ji ber îfade li ser tê dayîn, tê girtin. Lê ji ber temenê wê yê biçûk her çiqas ku cezayê wê bê daxistin jî hema bêjin zaroktiya wê di girtîgehê de derbas dibe.

Cihê Nûçeyê

Stenbol

Pirtûk jiyan

Wesîla Torî