Ji bo nûçeya tirkî bitikîne
Akademîsyenên ku “Danezana Em ê Nebin Şirîkên Vî Sûcî” îmze kirîn bi sûcê “propagandaya ji bo terorê” têne dadkirin.
Li 23yem Dadgeha Cezayê Giran (DCG) ya Stenbolê danişîna dosyaya 16 akademîsyenan pêk hat ku heyeta dadgehê beriya niha dosyayên wan kiribû yek dosya. Dozgerî di vê danişînê de nêrîna xwe ya dawî diyar kir û xwest ku akademîsyen li gorî Xala 7/2yê û bi tohmeta “propaganda rêxistinê” werin cezakirin.
Li 29em DCGyê jî heyeta dadgehê hemû daxwazên parêzer û akademîsyenan red kir. Heyetê ji bo nêrîna xwe ya dawî derbarê dozê de amade bike, dosya ji dozgerî re şand. Danişîn wê 1ê Çiriya Paşiyê berdewam bike.
Duh (16ê Gulanê) li çar dadgehan akademisyen hatin dadkirin.
Li 37em DCGyê ji Zanîngeha Bogaziçiyê dersdar Dr. Sakîne Çît, cara çarem,
Li 23yem DCGyê, ji Zanîngeha Bogaziçiyê lêkolîner Seval Gulen, Prof. Dr. Nuket Sîrman Eralp, Doç. Dr. Meltem Toksoz, Alk. Doç. Dr. Seda Altûg, Alk. Doç. Dr. Zeynep Kadirbeyoglû û Prof. Dr. Oya Koymen, ji Zamîngeha Bilgiyê lêkolîner Kudret Çobanli û S. H. û Doç. Dr. Evren Hoşgor, ji Zanîngeha Maltepeyê Alk. Doç. Dr. Esra Sakinç, dersdar Îrfan Eroglû, ji Zanîngeha Mîmar Sînanê Alk. Doç. Dr. Gamze Toksoy, Prof. Dr. Sefa Feza Arslan, Doç. Dr. Ozgur Martîn, ji Zanîngeha Stenbolê Doç. Dr. Sevgî Ûçan Çûbûkçû, ji Zanîngeha Çûkûrovayê Taylan Koç,
Li 29em DCGyê ji Zanîngeha Turk-Alman Alk. Doç. Dr. Berke Ozenç cara çarem,
Li 26em DCGyê ji Zanîngeha Şehîrê Akin Tek û ji Zanîngeha Michiganê xwendekara doktorayê Ozge Korkmaz cara pêncem hatin dadkirin.
Akademîsyenên Aştîxwaz
Piştî pêjoya çareseriyê bi dawî bû li Başûrê Rojhilatî xendek hatin kolandin û li warên jiyanê operasyon hatin kirin. Piştî vê yeke akademîsyenan nivîsek îmze kir. Bi îmzekirina wê nivîsê ew ji karen xwe hatin avêtin paşê yek bi yek li ser akademîsyenan doz hatin vekirin.
10ê Çileya Paşîn a 2016ê, "Însiyatîfa Akademîsyenên Aştîxwaz" (BAK) danezana "Em ê nebin şirîkên vî sûcî" îmze kiribûn. Danezan bi îmzeya 1128 akademîsyenan hatibû weşandin. Paşê jimara beşdaran bûbû 2212. Dozgerê bi navê Îsmet Bozkurt bi xala 7/2yê ya Qanûna Dij-Terorê(TMK) bi sûcê "propagandmeha rêxistinê" doz li akademîsyenan vekiribû. Ji 5ê Kanûna Pêşiyê ya 2017ê heta 8ê Sibata 2019ê 473 akademîsyen hatine dadkirin. Her yek ji 87 akademisyenan salek û 3 meh; her yek ji 3 akademisyenan salek û 6 meh; akademisyenekê/î 2 sal 3 meh; her yek ji 2 akademisyenan 2 sal û 6 meh; akademisyenekî/ê 2 sal û mehek; akademisyenekî/ê 3 sal cezayê girtinê standiye. Bi vî awayî doza li ser 96 akademisyenan temam bûye û hemiyan cezayê girtinê standiye. Heta niho 11 akademîsyenan "Paşdedana Dema Eşkerekirina Biryarê(HAGB)" qebûl nekiriye. Ji bo 7 akademîsyenan salek 3 meh, ji bo akademîsyenekî/ê salek û 6 meh, ji bo akademîsyenekî 2 sal û 6 meh, ji bo akademîsyenekî 3 sal cezayê mehkûmiyê hatiye dayin. Ji bo akademîsyenekî/ê biryar hêj nehatiye eşkerekirin.
Dadgeha Cezayên Giran a 36. cezayê wan kesên HAGB nexwestîn kêm kir û 2 salan bi şertê kontrolkirinê cezayê akademîsyenan bi paş de da. Dadgeha Cezayên Giran a 32. Ji bo wan kesan ceza kêm kir lê dema cezadanê bi paş de neda. Dadgeha Cezayên Giran a 37. Hem ceza kêm nekir hem jî bi paş de neda. Pirsa HAGByê ji sê akademîsyenan nehat kirin. Yek ji akademîsyenên HAGB jê nehatî pirsin salek û 6 meh, yekî/ê salek û 3 meh, yekî/ê 2 sal û 3 meh cezayê girtinê standiye. Akademîsyenên ku ji 2 salan zêdetir ceza xwariye û dema cezayî nehatiye paşdedan dêli benda biryara îstinafê bimînin. Îstinaf dê biryarê pesend bike an jî betal bike. Heke pesend bike akademisyen dê biçin girtîgehan. 10 Adara 2016ê Alk. Doç. Dr. Esra Mungan, Alk. Doç. Dr. Muzaffer Kaya û Doç. Dr. Kıvanç Ersoy (15ê Adara 2016ê) û Yrd. Doç. Dr. Meral Camcı (31ê Adara 2016ê) di kongreyeka rojnamegeran de danezan xwend. Ew bi Qanûna Têkoşîna Li Dijî Terorê(TMK 7/2) bi sûcê "propagandaya ji bo teröre hatin girtin. 22yê Nîsana 2016ê serbest bûn. Bi daxwaza dozgerî Wezareta Dadê destur da ku akademisyen bi sûcê "Sivikkirina(şikênandina qedrê) Gelê tirk, Dewleta Komara Tirkiyeyê, sazî û organên wê - TCK 301." bene dadkirin. Dadkirina wan didome.
(TP/FD)
