Di danişîna doza rojnameya Ozgurlukçu Demokrasiyê de dozger ji bo 6 rojnamegeran cezayê girtîgehê xwestiye.
Danişîna doza rojnameya Ozgurlukçu Demokrasiyê ku bi KHKê hatibû girtin li 23em Dadgeha Cezayê Giran a Stenbolê ku Çaglayanê ye pêk hatiye. di dozê 7 rojnameger tên darizandin.
Rojnameger beşdarî danişînê nebûne û tenê parêzerên wan Sercan Korkmaz û Ozcan Kiliç di danişînê de amade bûne.
Bixwîne- Polîsan bi ser navenda rojnameya Ozgurlukçu Demokrasiyê de girt
Bixwîne- Ji Ozgurlukçu Demokrasîyê çar rojnameger dî jî hatine girtin
Bixwîne- Çar rojnamegerên xebatkarên Ozgurlukçe Demokrasiyê hatine girtin
Dozger di danişînê de nêrîna xwe pêşkêşî dadgehê kiriye û xwestiye rojnameger Reyhan Hacioglu, Hicran Urun, Mehmet Alî Çelebî, Pinar Tarlak, Îshak Yasûl û Îhsan Yaşar bi îdiaya ku “endamên rêxistinê ye”, “propagandaye rêxistinê kiriye” û “belavkirin û çapkirina weşanên rêxistinê çap û belav kiriye” bên cezakirin.
Dozger derbarê Mizgîn Fendîka ku belavkara rojanmeyê de jî beraet xwestiye.
Parêzer jî axivîne û ji bo parastina li dijî nêrîna dozgerî daxwaza dema zêde kirine. Dadger daxwaza parêzeran qebûl kiriye û danişînê taloqî 14ê Hezîranê kiriye.
(AY)
*Çavkanî: Ajansa Mezopotamyayê
