Fotograf: AA / Arşîv
Ji bo nûçeya tirkî bitikîne
Rêxistina Efûyê ya Navnetewî derbarê dorpêça hêzên hikûmeta Sûriyeyê ya li Helebê, li ser herêmên bêhtir kurd lê dijîn de daxuyaniyek weşandiye û gotiye ku bila ew dorpêç bidawî bibe.
Rêxistine duh (25ê Kanûna Paşiyê) daxuyaniyeke nivîskî weşandiye û gotiye: “Divê hêzên hikûmeta Sûriyeyê dorpêça bêwicdan a li herêmên bakurê Helebê yên kurd bêhtir lê dijîn divê rake ku ev dorpêç bidestxistina sotemenî û kelûpelên esasî yên jiyanê asteng dike.”
Rêxistina Efûyê ya Navnetewî derbarê rewşa herêmê de ev zanyarî belav kirine:
“Sivîl ji alîkariya mirovî bêpar in”
“Ji Tebaxa 2022yê heta niha ango ji roja hikûmetê ew der dorpêç kiriye heta niha, kesên di nava welêt de ji cih û warên xwe hatine kirin jî di nav de, bi deh hezaran sivîl, bi rengekî cidî ji sotemenî û alîkariya mirovî bêpar in.
“Tê gotin ku kelûpelên tenduristiyê hindik mane biqedin û ji bo ji serma zêde xwe biparêzin, mirov kelûpelên xwe û plastîkan dişewitînin.
“50 gund jî di nav de herêmên li Şêx Meqsûd, Eşrefiyê û Şehbayê yên li bakurê Helebê ne û di bin kontrola konseyên sivîl ên kurd de ne ku bi Rêveberiya Xweser a Bakur Rojhilatê Sûriyeyê re têkildar in
“Ketina sotemenî, ard û alîkariya mirovî ya van herêman di bin kontrola hikûmeta Sûriyeyê de ye.
“Niştecihên herêmê dibêjin ku piştî têkiliyên di navbera Tirkiye û Sûriyeyê de ber bi asayîbûnê ve çûn, dorpêç di meha Tebaxê de destpê kir. Hikûmetên Sûriyeyê û Tirkiyeyê bi temamî li dijî rêveberiya konseya sivîl a kurdan in.” (SD/FD)
