Ji bo nûçeya tirkî bitikîne
Rêxistina Perwerde, Zanist û Çandê ya Neteweyên Yekbûyî(UNESCO) aşkere kiriye ku di sala 2022an de 86 rojnameger hatine kuştin. Ev tê wê wateyê ku ji her çar rojî rojnamegerek hatiye kuştin.
Her weha li tevahiya cîhanê di sala 2021an de 55 rojnameger hatibûn kuştin. Di sala 2022an de jî li tevahiya cîhanê 86 rojnameger hatine kuştin.
Di rapora UNESCOyê ku hatiye destnîşankirin ku Meksîka ji bo rojnamegeran welatê herî xeternak e û weha hatiye gotin:
“Di sala 2022’an de welatên Amerîkaya Latîn û Karayîpan ji bo rojnamegeran herî zêde xeternak bûye, li van herêman 44 rojnameger hatine kuştin.
"Li seranserê cîhanê welatê ku herî zêde rojnameger lê hatiye kuştin Meksîka ye û li wî welatî 19 rojnamevan hatine kuştin, piştî Ukraynaye ku 10 rojnameger lê hatine kuştin û li Haîtîyê 9 rojnameger, li welatên Asya û Pasîfîkê 16 rojnameger û li Rojhilatê Ewropayê jî 11 rojnameger hatine kuştin.
Di sala 2021an de hejmara rojnamegerên di pevçûnan de hatin qetilkirin 20 bûye. Ev hejmar di sala 2022an de derketiye 23an."(SD/AY)
