Li gorî rapora mehane a Meclîsa Tenduristiya Karkeran û Ewlehiya Kar (İSİG) di meha Nîsanê de herî kêm 152 karker di dema karkirinê de mirine.
Bi vî awayî, di çar mehên pêşîn ên sala 2025an de hejmara karkerên ku di dema karkirinê de mirine gihîştiye 611an. Di meha Kanûna Paşiyê de 178, di Sibatê de 124 û di Adarê de 157 karker di dema karî de mirine.
Li gorî sektoran di meha Nîsanê de 49 karker di sektora pîşesaziyê de, 37 di xizmetê de, 35 di avahîsaziyê de û 31 jî di sektora çandiniyê mirine.
Di vê mehê ji karkerên ku mirine jê 8 bûn. Sê ji wan 14 salî an jî biçûktir bûn. Neh karker jî 65 salî ango mezintir bûn.
Dîsa ji karkerên ku di vê mehê de mirine jê 4 jin û 7 jî koçber bûn. Tenê 6 (ji sedî 3.94) karker endamên sendîkayê bûn. 146 karker (ji sedî 96.06) ne sendîkayî bûn.
Bajarên mezin ên wekî Stenbol, Enqere û Îzmîr dîsa di serê lîsteyê de bû ku mirina karkeran lê pêk hatiye.
(HA/AY)
