Narîn Guran di 21ê Tebaxê de li Taxa Tavşantepeya navçeya Rezana Amedê wenda bûbû û di 8ê Îlonê de li di Çemê Egertûtmazê de termê wê hatibû dîtin. Di doza Guranê de pêşketinek nû çêbû.
Dozgeriyê derbarê Nevzat Bahtiyar de ku bi tohmeta "delîlên sûc ji holê rakiriyê" 4 sal û 6 meh cezayê girtîgehê lê hatibû birîn, serî li Dadgeha Bilind da û xwest bi tohmeta ku "hevkariya kuştina zarokek a bi qestî kiriye” cezayê muebeta girankirî li Bahtiyar were birîn .
8emîn Dadgeha Cezayên Giran a Amedê di 28ê Kanûna 2024an de têkildarî qetilkirina Narîn Guranê li apê wê Salîm Guran, birayê wê Enes Guran û dayika wê Yuksel Guran cezayê muebbeta girankirî û li Nevzat Bahtiyar jî 4 sal û 6 meh cezayê girtîgehê birîbû.
Biryarên dadgehê bi piranî ji aliyê 1emîn Daîreya Cezê a Dadgeha Herêmî ya Amedê ve hatin pejirandin. Lêbelê, serokê heyetê sedemên îtîrazê bi şîrovekirina biryarê aşkere kiribû.
Piştî biryara Dadgeha Edliyeyê ya Herêmî, dozgeriyê serî li Dadgeha Bilind da. Di daxwaznameya serlêdanê de hate destnîşankirin ku Bahtiyar rasterast beşdarî sûc bûye, dema ku Narîn hîn sax bû Bahtiyar li cihê bûyerê bû û tevî vê yekê jî alîkarî nekiriye. Dozger diyar kir ku li şûna ku Bahtiyar zarokê bi saxî xilas bike, hewl da ku cenazeyê veşêre û bi vî rengî bû sedema tunekirina delîlan.
Dozger got ku dadgehê ev kêmasiyana paşguh kiriye û divê biryar were betalkirin.
Danişîna doza kuştina Narîn Guranê dest pê kir
(EMK/AY)
