Di 3ê Îlona 2021ê de li Taxa Tûrgût Ozalê ya navçeya Hezex a Şirnexê, wesayîta zirxî ya polîsan li Mîraç Mîroglû yê 7 salî xist û ew kuşt.
Piştre bi tohmeta ku "bi îhmalkariyê bûye sedema mirinê" doz li polîs hate vekirin lê di dema darizandinê de ji ber xeletiyên isûlê biryar hate betalkirin.
Her weha Dadgeha Cezê û Esliyeyê a Îdîlê biryara beraeta wî polîsî dabû. Lêbelê, Dadgeha Edliyê ya Herêmî a Amedê biryar betal kiribû.
Polîsê ku bû sedema mirina Mîraç Mîroglûyê 7 salî beraet kir
Piştî 2 alan Wezareta Karên Navxweyî û Qeymeqamtiya Hezexê bersiva destûra lêpirsînê da.
Qeymeqamê Hezexê Anil Adiguzel, der heqê polîs Kîraz ê ku bûbû sedemê mirina Mîraç Mîroglu, rapora komîserekî erkdar ê li Miduriyeta Hezexê esas girt û destûra lêpirsînê neda. Di biryarê de hate diyarkirin ku divê Mîraç Mîroglu dema bûyerê de ne li ser rê bûya. Di biryarê de cih da rapora Lijneya Pisporên Daîreya ÎhtisasaTrafîkê ya Edlî Tiba Stenbolê.
Herwiha di raporê de hate destnîşan kirin ku ajokarê wesayîta zirxî polîs “bêyî qisûr e, Mîraç bi qisûr e” û ev rapor bû sedemê nedana destûra lêpirsînê.
Qeymeqamtiyê di biryara xwe de bal kişand ser dîmenên kamera û lêkolînên cihê bûyerê û îda kir ku leza wesayîtê bo saetekî 30.1 km e û ev li gorî rêzikên lezê di cih de ye. Hemû dane wek hincet hatin nîşanan û polîs bi vê îdaya “zarok bi duçerxeyê ve li wesayîtê qelibiye tu alternatîfeke polîs nebû” hate parastin.
Parêzerên dozê, diyar kirin ku dê li dijî biryara îdarî îtîraz bikin û ji bo edaletê dê serî li hemû dezgehên hiqûqî bidin.
Rapora wesayitên zirxkirî ya ÎHDyê: Di 15 salan de 44 kes mirine
Çi bûbû?
Li Taxa Tûrgût Ozalî ya li Hezexê, navçeya Şirnexê wesayiteke zirxkirî di 3yê Îlonê de li bin guhê Mîhraç Mîroglûyê 7 salî xistibû. Li gorî gotinên şahidan, wesayit dema zarokî pisqilêt diajot lê qelibiye.
Li gorî Rapora Hezîrana 2019an a Komeleya Mafên Mirovan a Amedê di navbera salên 2009 û 2019an de herî hindik 63 wesayitên zirxpoş li welatiyan qelibîne.
