REPERTUARA STRANBÊJİYÊ

Dersdêra Ma Musicê Evîn Tiryakî: Armanca me bi van xebatan ew e ku rê li ber asîmîlasyonê bê girtin

Ma Musîcê ji bo pirtûka bi navê "Repertuara Stranbêjiyê" bigihîne zarokan, kampanyaya “Milyonek pirtûk, milyonek zarok” da destpêkirin. Dersdêra Akademiyê Evîn Tiryakiyê diyar kir ku armanca wan ew e ku rê li ber asîmîlasyonê bê girtin.

Wesîla Torî

Akademiya Ma Musîcê bi sala ne ji bo perwerdehiya zarokên kurd kar û xebatan dike. Yek ji van xebatên akademiyê ya dawiyê jî pirtûka bi navê ‘Repertuara Stranbêjiyê’ ye.

Pirtûka ‘Repertuara Stranbêjiyê’ bi hevkariya dersdêrên Akademiyê hatiye amadekirin û di pirtûkê de 110 stran hene. Her weha pirtûk ji bo perwerdeya zarokan a muzîkê ye û bi çar zaravayê kurdî ye.

Akademî, ji bo pirtûkê bigihîne zarokan niha jî kampanya da destpêkirin. Ma Musîcê starta kampanyaya xwe ya “Milyonek pirtûk, milyonek zarok" da.

Him têkildarî naverok û armanca pirtûkê him jî ji bo kampanyayê yek ji endam û dersdêra Akademiyê Evîn Tiryakî bi bianet kurdiye re axivî û diyar kir ku armanca wan ew e ku rê li ber asîmîlasyonê bê girtin.

(WT/AY)

Cihê Nûçeyê

Stenbol