Derbarê Seroka Giştî ya Halkevleriyê Nebiye Mertturkê de ji ber axaftina wê ya di çalakiya 5ê Îlonê ya li Artvîn Cankurtaranê ji bo Reşît Kibar hat lidarxistin de lêpirsîn hat vekirin.
Mertturk bi îdiaya ku "Kîn û dijminahî xistiye nava gel” tê tohmetbarkirin.
Li gor nûçeya Sendika.orgê; Mertturkê di îfadeya xwe de bal kişandiye ser berpirsyariya Faruk Çelîk a di mirina Reşît Kibar de. Mertturkê daye zanîn ku di axaftina wê de ti gef û heqaret nîne, berovajî axaftineke ji bo gelê herêmê ye. Mertturk diyar kir ku ev lêpirsîn derbarê wê de hatiye destpêkirin, lêbelê têkildarî ti kes ango kesên ku ji mirina Reşît Kibar berpirsiyar e, nehatiye vekirin û destnîşan kir ku ev rewş dikare zirarê bide hesta edaletê ya civakê û rê li ber bûyerên bi vî rengî veke.
Mertturk anî ziman ku ew difikirîn ku her biryareke li dijî wê dê bibe destwerdana mafên parêzvanên jiyanê yên li dijî çeteyan şer dikin.
Çi bûbû?
Reşît Kibar ê ku li Artvîn Cankurtaranê dema ji bo birîna daran bûbû asteng, rastî êrîşa çekdarî hatibû û di 3ê Îlona 2024an de jiyana xwe ji dest dabû.
Seroka Giştî ya Halkevleriyê Nebiye Mertturk di 5ê Îlonê de piştî kuştina Reşît Kibar di çalakiya li Arhaviyê hatibû li dar xistin de axivîbû.
Mertturkê di çalakiyê de gotibû ku heta berpirsiyar aşkere nebe ew ê çalakiyên ji bo Reşît Kîbar bidomin.
(AD/AY)
