Derbarê Rêvebirê Nûçeyan ê Rojnameya Cumhuriyetê Can Ugur de ji bo ku îdiayên sextekarîyê yên di ezmûna Sîstema Têketina Lîseyan (LGS) de aniye rojevê, lêpirsîn hate destpêkirin. Encamên ezmûna LGSê Wezareta Perwerdehiya Neteweyî (MEB) di 11ê Tîrmehê de aşkere kir.
Ugur li ser hesabê xwe yê medyaya civakî parvekirinek kiriye û weha gotiye:
"Ez hîn bûm ku piştî nûçeyên min ên têkildarî skandalên azmûna LGSê derbarê min de lêpirsîn hatiye destpêkirin. Ez ê di demek kurt de biçim îfadeyê bidim. Ji bo ku min mafên nêzîkî mîlyonek zarokan parastiye ez poşman nînim."
Vîdeo weşandibû
Cumhuriyetê di 24ê Hezîranê de nûçeyek weşandibû û derxistibû holê ku piştî danişîna yekem a ezmûnê, bêrî ezmûn biqede pirsên testa gotinî/civakî li ser komên WhatsAppê hatine parvekirin.
Her weha di nûçeyê de hatibû îdiakirin ku pirsên testa hejmarî dema ku danişîna duyemîn a azmûnê hîn didomiya hatine belavkirin.
1 milyon öğrencinin kaderiyle mi oynandı?
— Cumhuriyet (@cumhuriyetgzt) June 24, 2025
'LGS soruları sınav bitmeden WhatsApp grubunda paylaşıldı' iddiası!
15 Haziran’da yapılan LGS ile ilgili skandal bir iddia ortaya atıldı. "Sınav devam ederken" bir WhatsApp grubunda soruların ve cevapların paylaşıldığı öne sürüldü.… pic.twitter.com/oskmIQdbSn
(HA/AY)
