Ji bo nûçeya tirkî bitikîne
Hevserokê giştî yê girtî yê HDPyê yê berê Selahattîn Demîrtaşî, li ser hesabê xwe yê Twitterê hin peyam weşandine û bal kişandiye ser biryara bêçalakîtiyê ya KCKyê. Demîrtaş li Girtîgeha Tîpa Fyê ya Edîrneyê girtî ye.
“Em ê aştiya civakî pêk bînin”
Demîrtaşî diyar kiriye ku ew ji bo çareseriyê hewl didin lê Serokomar Erdogan li ber vê dibe asteng: “Bila soza me be ji gele me re, piştî rejîma Erdoganî ya ji şer û pevçûnan xwe xweyî dike, ji bo PKK li Tirkiyeyê bi temamî çekan deyne, çi ji destê me bê em ê bikin û teqez em ê biser bikevin. Em ê li Parlamentoyê li gorî qûral û qaîdeyan, di çarçoveya hiqûqê em ê pirsgirêkên xwe çareser bikin û teqez em ê aştiya civakî ya mezin pêk bînin.”
Demîrtaşî de dewama peyama xwe de diyar kiriye ku “Me dikarîbû ji zûde van tiştan bikin lê; kesên ku aştî dixwest, Erdogan ew avêtin hundiro, ew tecrîd kirin, xwest partiyên wan bigire, kayim şand ser şaredariyên wan, bi provokasyonan pevçûn gûr kiri û bi gotian ‘terorê’ gel tirsand û xwest dengan bidest bixe. Hîna jî vê dike.”
Halkımıza sözümüz olsun, çatışmadan beslenen Erdoğan rejimi sonrasında PKK'nin Türkiye'de tümüyle silah bırakması için elimizden geleni yapacağız ve mutlaka başaracağız.
— Selahattin Demirtaş (@hdpdemirtas) April 13, 2023
TBMM'de usulünce, hukuk çerçevesinde sorunlarımızı çözüp büyük toplumsal barışı kesinlikle sağlayacağız.
1/4
“PKKyê bi biryara bêçalakitiyê, derî ji çareseriyê vekir”
“Bila baweriay we bi sextekaran neye, aştî û aramî pêkan e. PKKyê biryara çalakiyê da û derî ji çareseriyê re vekir. Lê bi israr provokasyon tên kirin. Bila Xwedê biparêze, ji bo bandorê li hilbijartinê bikin, hin kes dikarin hewl bidin xwînê birijînin. Em ê bi hev re baldar bin û em ê neyên lîstokan jî.
“Tikaye ji bîr nekin, em aştî û demokrasiyê dixwazin. Em dixwazin bi hev re, wekhev û bi biratî/xwişkîtî bijîn. Partiya Kesk û Çep jî wê bêhtir ji bo vê kar bike. Ji bo dengan bila baweriya we ne bi derewkarên gel bera ber hev didin, sextekaran neye, bi me bawer bibin. Em ê bi hev re û teqez biser bikevin.” (NT/FD)
