Fotograf: Medyaya civakî
Ji bo nûçeya tirkî / ingilîzî bitikîne
Polîsan Bedriye Dokû, dêya Gulistan Dokûyê û xwişka wê Aygul Dokû desteser kirine. Gulistan Dokû di 5ê Çiriya Paşiyê de winda bûbû û ev 9 meh in ku ti zanyarî jê nayê standin.
Bedriye Dokû, dêya Gulistan Dokûyê û xwişka wê Aygul Dokû îro saet di 12.00ê de li Qada Seyid Rizayî dest bi çalakiya rûniştinê kirine. Polîsên Midûriyeta Emniyetê ya Dêrsimê xwestine ku çalakiyê bidawî bikin û bi qasî saetekê bi malbatê re axiviye.
Piştî ku malbatê gotiye ew ê çalakiya rûniştinê bidawî nekin, polîsan Bedriye Dokû û Aygul Dokû desteser kirine.
Bedriye Dokû û Aygul Dokû piştî li emniyetê îfadeyên wan hatine wergirtin, duh (7ê Îlonê) di saetên êvarê de serbest bûne.
“Polîsan ew dorpêç kirin”
Şukran Yilmaz Koç, endama Platforma Jinan a Dêrsimê ji bianetê re got ku, jinan jî xwestin beşdarî çalakiyê bibin lê polîsan destûr neda. Koçê wiha dewam kir: “Destûr nedan ku kesên li derdorê nêzîkî malbatê bibin. Platforma Jinan a Dêrsimê xwest ku beşdarî çalakiyê bibe lê polîsan malbat dorpêç kirin.
“Midûrê Emniyetê hat ji bo bi wan re biaxive lê Aygulê jî û dêya wê jî gotin ew ê çalakiyê bidomînin. Piştî hevdîtinê Aygulê dîsa daxwazên xwe anî ziman. Got ku ew dixwazin Zeynal were girtin, E.Y. zirbav bixin nav lêpirsînê û bi Serokomar Erdoganî re bicivin.
“Polîsan paşê dê û xwişk xişxişandin û desteser kirin. Serê dêya wê ber bi jêr ve daxûl kiribûn. Birin Emniyetê. Gotin sendîka, partiyên siyasî, jin, ti kes wê nikaribe beşdarî vê çalakiyê bibe.” (RT/FD)
