Ji bo nûçeya Tirkî bitikîne
Dê û bavên Karacaîlê ku ji bo beşdarî rêûresma cenazeyê keça xwe bibin di 13yê Hezîranê de ji Deriyê Sînor ê Murşîtpinarê derbarê Kobanêyê bûbûn saetên sibê ji Beyrûtê hatin Balafirxaneya Sabîha Gokçenê ya Stenbolê.
Derbarê Omer Karacagîlî û Nûray Erçaganê bi sûcê “propagandeya rêxistina terorê” de biryara zeftkirinê hatibû derxistin. Karacagîl û Erçagan li balafirxaneyê di dema kontrola pasaportê de ji hêla polîsan ve hatin desteserkirin û ew birin midûriyeta navenda polîsan a li Balafirxaneya Sabîha Gokçenê.
Dê û bavên Ayşe Denîz Karacagîhê piştî ku karê wan li emniyetê qediya, birin avahiya Qesra Edaletê ya Anadoluyê ya Stenbolê. Paşê jî Karacagîl û Erçagan hatin berdan.
Di sala 2014ê de çûbû
Ayşe Denîz Karacagîl piştî Berxwedana Geziyê di Îlona 2013ê de di encama serdegirtina malan de hatibû desteserkirin. Tevlî çar kesan bi awayekî girtî dihat darizandin û di dozê de bi “hewldana jiholêrakirina dewleta Komara Tirkiyê, ji bo hikûmetê ji holê rake çalakiyan lidar bixe, berxwedana bi bandor a li hemberî polîsan, endamtiya rêxistina terorê ya bi navê MLKP û bi kefiya sor sembolkirina sosyalîzmê” dihat sûcdarkirin. (NV/FD)
