Dayikên Plaza de Mayoyê yên arjantinî, ji ber destûr nayê dayîn Dayik/Mirovên Şemiyê biçin Qada Galatasarayê, peyameke piştgiriyê weşand.
Li gorî nuçeya MAyê, Dayikên Plaza de Mayoyê gotiye ku ew li kêleka Dayikên Aştiyê ne û “êdî bes e bêdadî.”
Digel ku Dadgeha Destûra Bingehîn di biryarên xwe de gotiye, mafên wan hatine binpêkirin û divê bikaribin biçin Qada Galatasarayê, polîs her hefte li pêş Dayik/Mirovên Şemiyê dibin asteng.
Peyama Dayikên Plaza de Mayoyê ye wiha ye: “Em bi dayikên xwe yên xoşewîst ên li Qada Plaza de Mayoyê, li kêleka Dayikên Şemiyê ne. Ji bo ew jî bikaribin vegerin Qada Galatasarayê û aqûbeta windahiyên xwe bipirsin, em piştgiriya wan dikin.”
Dayikên Plaza de Mayoyê
Ji sala 1976an hea 1983an li Arjantînê dîktatoriya leşkerî desthilat bû. Di wê demê de gelek mirov hatin revandin û windakirin. Dayikên Plaza de Mayo, ji bo li aqûbeta xizmên xwe bigerin, çalaki li Qada Plaza de Mayoyê li dar dixistin. (FD)
