Fotograf: MA
Ji bo nûçeya tirkî / ingilîzî bitikîne
Nûçegihana Ajansa Mezopotamyayê (MA) Arjîn Dîlek Oncel a ku ji ber parvekirinên wê yên medyaya civakî doz lê hatibû vekirin, hatiye dadgehkirin. Dozgeriyê bi îdiaya ku “propagandaya rêxistinê kiriye” doz lê vekiribû. Dadgehê jî îdianame qebûl kiribû û ji sal û 6 mehan heta 7 sal û nîvê cezayê girtîgehê jê re dihat xwestin. Danişîna ewil a doza Oncel li 11emîn Dadgeha Cezayê Giran a Amedê pêk hatiye. Oncel û parêzerê xwe Resûl Tamûr beşdarî danişînê bûne.
“Min bi armanca agahdarkirinê parve kirin”
Dadgehkirin bi xwendina îdianameyê dest pê kiriye. Heyeta dadgehê parvekirinên ku kiriye ji Oncelê pirsiye. Oncelê îdia red kirine û gotiye wê bi armanca agahdarkirinê nûçe parve kirine. Oncelê xwest were beratkirin.
Parêzerî ji hin rojnameyan mînaka nûçeyan daye
Parêzerê Resûl Tamûrî jî nûçeyên di rojnameyên Cumhuriyet û Sozcuyê de hatine weşandin û dişibin ên Oncelê pêşkêşî heyeta dadgehê kiriye û gotiye derbarê van rojnameyan de tu lêpirsîn nehatiye destpêkirin.
Dozger nêrîna xwe eşkere kiriye û 7 sal û nîv cezayê girtîgehê ji Oncelê re xwestiye.
Heyeta dadgehê biryara xwe spartiye pakêta darazê ya nû û derbarê Oncel de biryara beratê daye. (HA/FD)
Çavkanî: Ajansa Mezopotamyayê
