Serdozgeriya Komarê ya Îzmîrê derbarê nûçegihana Jinnewsê Melîke Aydin û nûçegihanên Ajansa Mezopotamyayê (MA) Semra Turan û Tolga Guney ên di 13ê Sibatê de di serdegirtina malan de hatibûn desteserkirin.
Danişîna yekemîn a doza nûçegihanên Ajansa Mezopotamyayê (MA) Semra Turan û Tolga Guney û nûçegihana JINNEWSê Melîke Aydinê pêk hat. Rojnameger bi îdiaya ku “endamên rêxistinê ne” tên darizandin.
Li Îzmîrê rojnameger bi ‘endamtiya rêxistinê’ hatin sûcdarkirin
Li gorî nûçeya Ajansa Mezopotamyayê 7emîn danişîna doza nûçegîhanên MAyê Semra Turan û Tolga Guney û nûçegihana JINNEWSê Melîke Aydinê li 13emîn Dadgeha Cezayên Giran a Edliyeya Îzmîrê ya li Bayrakliyê hat lidarxistin.
Dadgehê, piştî parastinan biryara xwe aşkere kir.
Dadgehê, şertê kontrola edlî ya zindanîkirina li malê ya Melîke Aydin û şertê kontrola edlî ya Semra Turanê rakir.
Lê belê biryara qedexeya derketina derveyî welat nehat rakirin. Dadgehê danişîn dozê taloqî 12ê Gulanê kir.
Biryara derheqê Tolga Guney de hêj nehatiye dayin.
Dozger bêyî ku îfadeya rojnamegeran bigire xwest ew bên girtin
Çi bûbû?
Di çarçoveya lêpirsîna ku ji aliyê Serdozgeriya Komarî ya Îzmîrê ve nûçegihana Jinnewsê Melîke Aydin, nûçegihanên Ajansa Mezopotamyayê (MA) Semra Tûran, Tolga Guney, Delal Akyuz, nûçegihanê Gazete Dûvarê Cîhan Başakçioglu û xebatkarê çapemeniyê yê Partiya Wekhevî û Demokrasiya Gelan (DEM Partî) Fûnda Akbûlût di 13ê Sibatê de bi serdegirtina malan de hatibûn desteserkirin.
Derbarê rojnamegerên ku di 16ê Sibatê de sewqî Dadgeha Cezayê Sulhê hatin kirin Aydin, Guney, Akyuz û Akbûlût de biryara cezayê hepsa malê û der barê Başakçioglû û Tûranê de jî biryara hefteyê 2 caran îmzedayîn hat dayîn.
Piştî lêpirsîna 8 mehan der barê Cîhan Başakçîoglû de biryara neşopandinê hat dayîn. Îdianameya der barê Fûnda Akbûlûtê de hat amadekirin û ji Dadgeha Cezayê Giran a 18an a Îzmîrê re hat şandin. Dadgehê îdianameya AKbûlûtê ji Dadgeha Cezayê Giran a 2an a Îzmîrê re şand.
