Ji bo nûçeya Tirkî bitikîne
Dadgeha Amedê biryara serbestberdana Alîcan Onlûyî da. Dadgehê biryara bi zorê birina Alîcan Onlûyî dabû û polîsan ew destaser kiribû.
Hatibû eşkerekirin ku duhî ji bo Onlû biçe Elezîzê li Balafirgeha Esen Bogayê li balafirekê siwar bûye balafir firiyaye û paşê li balafirgehê vegeriyaye û dadaye. Polîsan Alîcan Onlû li balafirgehê desteser kiriye.
Dadgeha Amedê biryar dabû 8 parlamenterên HDPyê bi zorê ji bo dadgehan bêne birin. Oncû jî yek ji wan 8 parlamenteran bû.
Li gor dihaber.orgê dadgehê biryar daye Oncûyî di Nîsana 2017ê de dîsa dad bike.
12 parlamenterên HDPyê gitî ne
Herdu hevserokên HDPyê Selahattîn Demîrtaş û Fîgen Yûksekdag parlamenterên Şirnexê Ferhat Encû û Leyla Bîrlîk, parlamenterên Colemêrgê Selma Irmak û Abdullah Zeydan, parlamenterên Amedê Zîya Pîr, Idrîs Balûken, Nûrsel Aydogan û Îmam Taşçier, parlamenterê Enqereyê Sirri Sûreyya Onder û parlamentera Mêrdînê Gulser Yildirim di 4ê Çiriya Paşiyê de hatibûn desteserkirin.
Fîgen Yûksekdag, Selahattîn Demîrtaş, Idrîs Balûken, Leyla Bîrlîk, Selma Irmak, Nursel Aydogan, Gulser Yildirim, Abdullah Zeydan û Ferhat Encû di heman rojê de hatibû girtin.
Parlamenterê HDPyê yê Colemêrgê, Nîhat Akdogan di 7ê Çiriya Paşiyê de hat girtin.
Cihgira berdevkên HDPyê Çaglar Demîrel û Besîme Konca di 13ê Kanûna Pêşiyê de hatin girtin. Hejmara parlamenterên girtî yên HDPyê bûn 12.
(BK/MB)