Dadgehkirina Nobedarên Weşana Ozgur Gundemê, xebatkar û nivîskarên heman rojnameyê li 2yem Dadgeha Cezayan a Asliyeyê ya Stenbolê dewam kiriye.
Di danişîna yeke de Can Dundarê ku bûbû Nobedarê Weşana Giştî yê Ozgur Gundemê û Înan Kizilkaya, Midûrê Karûbarên Nivîsan ê rojnameya Ozgur Gundemê hatine dadgihkirin. Kizilkaya beşdarî danişînê nebûye lê li ser navê wî parêzerê wî Ozcan Kiliç beşdar bûye.
Serokê heyeta dadgehê gotiye, ew ê li bendî girtina Can Dundarî û wergirtina îfadeya wî bin ku Dundar li derveyî Tirkiyeyê ye. Dadgehkirin wê 4ê Adara 2021ê de dewam bike.
Doza din jî taloq kiriye
Doza Huseyîn Aykol û Zana Kaya, Berpirsên Giştî yên Weşanê yên rojnameya Ozgur Gundemê, Înan Kizilkaya, Midûrê Karûbarên Nivîsan û siyasetmedar Hatîp Dîcleyî jî li heman dadgehê pêk hatiye.
Rojnameger û Dîcle bi tohmeta ku “Bi awayekî aşkere hikûmet, dezgehên darazê û rêxistin aemniyetê biçûk xistine”, “gelê tirk, komara wê û Meclîsa Gelî ya Mezin a Tirkiyeyê bi awayekî aşkere biçûk xistine” tên dadgehkirin.
Aykol, Kaya, Kizilkaya û Dicle beşdarî dadgehkirinê nebûne, lê li ser navê wan parêzer Ozcan Kiliç beşdar bûye.
Heyeta dadgehê gotiye ew ê li bende girtina Hatîp Dîcleyî bin û doz taloq kiriye. Dadgehkirin wê di 4ê Adara 2021ê de pêk were.
Çi bûbû?
Piştî 24ê Tîrmeha 2015ê pevçûnan dest pê kir, gelek doz li Ozgûr Gûndemê hatin vekirin. Li hemberî zordariyan Ozgûr Gûndemê Kampanyaya Nobedariya Berpirsiyariya Weşanê da dest pê kirin.
Doza ''propagandaya rêxistina terorî'' li wan kesên ku ji bo rojekê bûbûn berpirsên weşanê, hat vekirin.
Nobedarên Weşana Ozgûr Gûndemê, 38 rojnameger bi sûcên "propagandaya ji bo rêxistina terorî" û "çapkirin û belavkirina bang û daxuyaniyên rêxistinên terorî bi Xala 6. a Qanûna li Dijî Terorê ya 3713ê têne dadkirin.
Navê rojnamegeran: A. Kumru Başer, Ahmet Nesin, Ayşe Batumlu, Ayşe Düzkan, Beyza Üstün, Can Dündar, Celal Başlangıç, Celalettin Can, Cengiz Baysoy, Çilem Küçükkkeleş, Derya Okatan, Dicle Anter, Erol Önderoğlu, Ertuğrul Mavioğlu, Faruk Balıkçı, Faruk Eren, Fehim Işık, Hüseyin Tahmaz, Hakkı Boltan, Hasan Cemal, Hasan Hayri Şanlı, İbrahim Bodur, İhsan Çaralan, Julide Kural, M. Ali Çelebi, Murat Çelikkan, Murat Uyurkulak, Nadire Mater, Necmiye Alpay, Nevin Erdemir, Öncü Akgül, Ragıp Duran, Said Sefa, Şanar Yurdatapan, Şebnem Korur Fincancı, Tuğrul Eryılmaz, Veysi Altay, Yıldırım Türker.
Sê kesên beşdariya kampanyayê kiribûn; berpirsê Tirkiyeyê yê Rojnamegerên Sînornenas, Erol Onderoglû, seroka Weqfa Mafên Mirovan a Tirkiyeyê, Şebnem Korûr Fîncanci û nivîskar Ahmet Nesîn ji bo demekê hatin girtin.
Di 16ê Tebaxê de Dadgeha Cezayên Sûlhê ya 8. biryara girtina Ozgûr Gûndemê da.
Di 19ê Tebaxê de, Asli erdogan a nivîskara Ozgûr Gûndemê û endama Lijneya Şêwirmendên Weşanê hat girtin.
Di 22yê Tebaxê de Zana Kayayê berpirsê weşana Ozgûr Gûndemê û berpirsê naveroka nivîsan Inan Kizilkaya hatin girtin.
Di 31ê Tebaxê de, endama Lijneya Weşanê ya Ozgûr Gûndemê, Necmîye Alpaya nivîskar û zimanzan hat girtin.
Derbarê 50 rojnamegerên Nobedarên Weşanê de lêpirsîn dan destpêkirin û derbarê 39 rojnamegeran de jî doz hat vekirin.
Di 29ê Kanûna 2016an de Asli Erdogan û Necmiye Alpay serbest hatin berdan.
(FD)
Çavkanî: MA
