_-_Kopya.jpeg)
Wêne : Mûrat Başol
Ji bo nûçeya tirkî / ingilîzî bitikîne
Heyeta Dadgeha Cezayê Giran a 13an a Stenbolê, îro dosyeya Osman Kavalayî gotûbêj kiriye. Heyetê di encama gotûbêja xwe de bi pirdengî gotiye ku di rewşa Kavalayî ya hiqûqî de ti guhertin nebûye û bila girtî bimîne.
Endamekî/e heyetê li dijî vê biryarê derketiye û xwestiye ku Osman Kavala bi şertê kontrola edlî serbest bibe.
Doza Geziyê ya ku Osman Kavala jî yek ji bersûcan e, wê di 22yê Nîsanê de dewam bike.
Bixwîne - Heyeta dadgehê Osman Kavala dîsa tehliye nekir
Bixwîne - Parêzerên Kavalayî li dijî daxwazên dozgerî derketine
Dadgehkirina Kavalayî
Osman Kavalayî di 8ê Hezîrana 2018an de bi rêya parêzerên xwe serî li DMMEyê dabû û gotibû biryara girtina wî ya demkî li dijî Xala 5em a PMMEyê ye ku derbarê mafê jiyan û azadiyê de ye. Kavalayî her weha diyar kiribû ku biryara girtina wî ji ber sedemên siyasî ne.
Di Doza Geziyê de ji bilî Osman Kavala, Serokê, Lijneya Rêveber a Anadolu Kulturê 15 kesên din tên dadgehkirin. Tenê Kavala girtî ye. Dadgehkirinê di 24ê Hezîrana 2019an de destpê kiribû. Kavala di vê dozê de beraet kiribû lê piştî wê dozeke din bi tohmeta ku "sîxurtiya leşkeri yan jî siyasî kiriye" careke din hatibû girtin. Hîna li Girtîgeha Sîlîvriyê tê girtin.
Derbarê Osman Kavalayî de
Di sala 1957an de li Parîsê ji dayik bûye. Beşa Ekonomiyê ya Zanîngeha Manchesterê qedandiye. Di sala 1982ê de weke rêveber li Kavala Grûbê dest bi kar kiriye.
Tevlî Mûrat Belgeyî Weşanxaneya Îletîşîmê ava kiriye ku yek ji weşanxaneyên sereke yên Tirkiyeyê ye.
Weke endam din ava Konseya Karî ya Tirk-Polonan de, Konseya Karî ya Tirk-Yewnanan, Center For Democracy in Southeast Europe (Navenda Demokrasiyê ya li Rojhilatê Başurê Ewropayê) û hin dezgehên karî û civakî sivîl de kar kiriye.
Endamê Lijneya Rêveber ê TESEVê, endamê Lijneya Şêweber ê Enstîtuya Civaka Vekirî, endamê Komeleya Welatiyan a Helsînkiyê, piştevanê Tarih Vakfi û Diyarbakir Kultereviyê ye. (EMK/FD)
