Îbrahîm Karakaş, xebatkarê rojnameya Yenî Yaşamê di 6ê Çiriya Paşiya 2020an de li Edeneyê hatibû girtin. Dadgehê bi hêceta xebatên rojnamevaniyê û hin îfadeyên şahid bi îdiaya “endamtiya rêxistinê” 9 sal û 9 meh cezayê girtîgehê li Karakaş birîbû. Biryara hêcetê ya dadgehê ya derbarê Karakaşî ku li Girtîgeha Kurkçulera Edeneyê ya Tîpa F de tê ragirtin eşkere kiriye. Di biryara hêcetê de xebatên rojnamevaniyê û beyanên bersûcê îtîrafker wek sûc nirxandiye û dadgehê di biryara xwe de ji rojnameya Ozgur Gundemê re jî gotiye “qaşo rojname ye.”
Parêzerê Karakaşî, Turgay Bek biryara hêcetê nirxandiye û daye zanîn ku xebatên rojnamevaniya miwekîlê wî Karakaş hemû wek delîliya “endamtiya rêxistinê” hatiye nîşandan. Bek biryarê wek “xeternak” şîrove kiriye û dadgeh rojnameyek bi salan weşanê dike wek rojname nabîne û xebatên wî rojnamevaniyê wek sûc dihesibîne.
Bek diyar kiriye ku wî biryar şandiye Dadgeha Îstînafê û îtîraz kiriye.
(AY)
*Çavkanî: Ajansa Mezopotamyayê
