Dadgehê cezayê muebetê li rojnameger Rojhat Dogrûyî biriye

Dadgehê cezayê muebetê û 12 sal û mehek li rojnameger Rojhat Dogrûyî biriye û biryara girtina wî daye. 

Rojnameger Rojhat Dogrû bi îdiaya ku xwestiye “yekitî û hevgirtina dewletê xera bike”, “hewl daye bi qestî bikuje”, “endamê rêxistinêye” û “propagandaye rêxistinê kiriye” li 8emîn Dadgeha Cezayê Giran a Amedê dad dibû.

Danişîna biryarê ya dozê hatiye lidarxistin û biryar derketiye. Her weha Dogrûyî beşdarî danişînê nebûye û parêzerê wî Resûl Tamûr li salona danişînê amade bûye. 

Dozgerî nêrina xwe ya berê dubare kiriye û xewst ji hemû “sûcdariyan” ceza li Dogrû were birîn. 

Parêzer Resûl Tamûr parastina miwekîlê xwe kiriye û îddia ango sûcdariyên li ser muwekîlên xwe qebûl nekiriye û xwestiye miwekîlkê wî were beraetkirin. 

Dadger daxwazên parêzer qebûl nekiriye û cezayê muebetê û 12 sal û mehek cezayê girtîgehê li Dogrûyî biriye.

Her wiha dadgehê bi vê biryarê cezakirînê re biryara girtina Dogruyî jî derxistiye. (AY)

*Çavkanî: Ajansa Mezopotamyayê