Ji bo nûçeya Tirkî / Ingilîzî bitikîne
Dadgeha 22. a Cezayê Giran a Stenbolê, doza ‘’Nobedariya Berpirsiyarîya Weşana Ozgûr Gûndemê’’ bi rê ve bir.
Dadgehê Nadîre Matera ku bûbû nobedara berpirsiyarîya weşana Ozgûr Gûndemê û berpisê weşana heman rojnameyê, Înan Kizilkaya îro dad kir.
Berpirsên RSFyê(Rêxistina Rojnamegerên Sînornenas) Erol Onderoglu, Lucie Marillon, Johann Bihr, Rubina Mohring, Anne Renzebrink û parlamenterê HDPyê yê Stenbolê Garo Paylanî li dadkirinê temaşe kir.
Materê got:
‘’Ez rojnameger im, welatî me. Nobedariya ji bo Ozgûr Gûndemê tam li gor cihê ez wek rojnameger û welatî lê disekinim e. Ji ber ku wek welatî ez qebûl nakim ku mafê min ê agahî standinê bê astengkirin, wek rojnameger jî ez qebûl nakim mafê min û hemî rojnamegeran ê nûçe çêkirinê bê astengkirin an jî sînorkirin.’’
Parêzera Materê, Merîç Eyûpoglûyê got:
‘’Tiştê li vê derê minaqeşe li ser tê kirin azadiya xwe-îfadekirinê ye. Ew kesa ku ez diparêzim li bianetê dixebite û bianet ji sala 2000ê ve bi dewamî Rapora Çavdêriya li Medyayê amade dike, em ê van raporan bidin dadgehê.’’
Fîkret Îlkîzê parêzer diyar kir ku dozgerê dozê bi rê ve dibe bi sûcê ‘sixurîya leşkerî û siyasî û endamîya FETOyê(Rêxistina Terorî ya Fethûllahgir)’ tê dadkirin û çênabe ev dozger dozan bi rê ve bibe.’’
Kizilkaya: Her tiştên ku behsa wan tên kirin nûçe ne
Kizilkayayî ho got:
‘’Her tiştên ku behsa wan têne kirin nûçe ne û beşek ji azadiya xwe-îfadekirinê ne. Ji beriya 7ê Hezîranê hemî rojnameger diçûn Qendîlê û hevpeyvîn dikirin. Lê dema ku konjoktûr guherî doz li rojnameya me hat vekirin. Hemî tiştên doz lê hatine vekirin ji bo agahdarkirina gelî ne.’’
Mater: ‘’Hevgirîya digel Ozgûr Gûndemê, dîyarkirina nerazîbûna ji vê rewşê ye.’’
Materê da zanîn ku niho 120 rojnameger di girtîgehê de ne, înternet û medyaya civakî tê astengkirin. Materê ev gotin li axiftinên xwe zêdekirin:
‘’Ev rewş wê yekê nîşan dike ku dengên cida têne veşartin, welê tê kirin neyên bihîstin, medya ber bi yek-rengîyê ve diçe.
’’Hevgirîya digel Ozgûr Gûndemê, dîyarkirina nerazîbûna ji vê rewşê ye.
‘’Bi niyeta nûçeyan hin çîrok têne nivîsîn û tê îdiakirin ku bêalî ne lê ev yek bi tenê îdiayek e. ‘’
Materê da zanîn ku di vê rewşa pevçûn/şer/hewildana derbekirinê û di rewşa piştî hewildana derbekirinê de ew ê nûçeyên aştîparêz çêbike û li ser vê yekê dewam bike.
Materê eşkere kir ku li ser polîtîkayên weşanê bi tenê rojnameger û xwendevan û rêxistinên rojnamegerîyê dikarin biryarê bidin.
‘’Azadiya xwe-îfadekirinê, azadiyeka xwe îfadekirinê ye, ti kes nikarin mûdaxaleya vê azadiyê bike. Dadgeh jî.’’
(ÇT/MB)
.jpg)
