Yusuf Ziya G. keça xwe ya bi navê H.K.G. ya şeş salî di sala 2002an de bi mera mela bi darê zorê bi Kadîr I. re dabû zewicandin. Gumuşel damezrînerê Weqfa Hîranûrê ye û weqif serbi Cemaeta Ismaîlaxa ye. Dadgeha Bilind di doza îstismara zarokê a li Weqfa Hiranurê de biryarên cezayên ku li bersûcan hatiye birîn betal kir.
Li gorî nûçeya Now Haberê, bersûcê dozê Kadir Îstekli di destpêkê de 30 sal cezayê girtîgehê sitend. Lê Dadgeha Îstînafê ev ceza kêm dît û biryar betal kir û 36 sal cezayê girtîgehê ji ber du sûcên cuda li Îsteklî birî. Bav Gumuşel jî 18 sal û 9 meh cezayê girtîgehê wergirt; dosyeya dayikê jî cuda kir.
Dadgeha Bilind biryar da ku doz li gorî isûlê ji dadgeha herêmî re nehatiye şandin û biryarên cezayên li bersûca hatiye birîn betal kir. Ji ber vê yekê, dosyaya dozê ji bo ji nû ve were nirxandin wê ji Daîreya Cezayê ya 20emîn a Dadgeha Edliyeya Herêmî ya Stenbolê re were şandin.
Di doza H.K.G.yê de dadgehê 30 sal cezayê girtîgehê li Kadîr Î. birî
Çi bûbû ?
Rojnamegerê BirGün, Rojnameger Tîmur Soykan, di nivîsa xwe ya bi sernavê "Cîhana tarî zarokek daqurtand: Di tariya terîqetê de hê 6 salî ye..." de di 3ê Kanûna Pêşîyê de Yusuf Ziya Gumuşel keça xwe ya bi navê H.K.G. ya şeş salî di sala 2002an de bi mera mela daye zewicandin. Gumuşel damezrînerê Weqfa Hîranûrê ye û weqif serbi Cemaeta Ismaîlaxa ye.
Her weha Soykanî di nivîsa xwe de destnîşan kiriye ku zarok di tevahiya piçûkatiya xwe de îstismara zayendî lê hatiye kirin. Tiştên ku qewimîye bi gilî kirina H.K.G.yê derketine holê.
Parêzerê H.K.G.yê bi daxwaza girtina Kadîr I. û Yûsûf Ziya G. serî li dadgehê dabû.
(EMK/AY)
