33 ciwan di 20a Tîrmeha 2015an de li navçeya Pirsûsa Rihayê di êrişa DAIŞê de hatibûn qetilkirin.
Rixistinên ciwanan ên li Enqereyê, bi boneya salvegera 10emîn a Qetlîama Pirsûsê ji bo bibîranîna “33 Rêwiyên Xeyalan” meşek li darxistin û polîsan êrişî meşê kirin.
Di mudaxeleya polîsan de 40 ciwan hatin desteserkirin. 22 ciwan piştî îfadeya wan a li emniyetê hatin berdan û 18 ciwan jî sewqî edliyeyê kirin.
Ciwanên ku hatin berdan li pêşiya Nexweşxaneya Gazî Mustafa Kemal (GMK) a Dewletê, daxuyanî dan. Ciwanan ji bo hevalên xwe yên ku sewqî Edliyeya Sihhiye bûbûn, banga piştevaniyê kirin.
"Heta ku li Pirsûsê edalet pêk neyê aştî çênabe"
Çi bûbû?
Li ser banga Federasyona Komeleyên Ciwanên Sosyalîst (SGDF), di 20ê Tîrmeha 2015an de 300 ciwan li hev kom bûn. 300 ciwanan wê alîkariya mirovî û pêlîstok bibirana Kobaniyê. Dema ciwanan li Pirsûsê, li Navenda Çandê ya Amarayê civîneke çapemeniyê li dar xist, êrîşeke bombeyî pêk hatibû. Di encama êrîşê de 33 kes û êrîşkar miribûn.
(AY)
