Civînên Aştî û Civaka Demokratîk didomin
Bi pêşengiya Tevgera Jinên Azad (TJA), Partiya Herêmên Demokratik (DBP) û Partiya Wekhevî û Demokrasiyê ya Gelan (DEM Partî), di çerçoveya “Civînên Aştî û Civaka Demokratîk” de li gelek bajaran civînên gel hatin lidarxistin.
Li gorî nûçeya Ajansa Mezopotamyayê li taxa Zapê ya navçeya Silopiyayê civîna gel hat lidarxistin. Civîn bi deqîqeyeke rêzgirtinê destpê kir. Piştî rêzgirtinê daxuyaniya Rêberê PKKê Abdullah Ocalan a bi dîmên û merasîma şewitandina çekan hat temaşekirin.
Ocalan: Em derbasî qonaxeke nû dibin
Piştî temaşekirina dîmenan li ser pêvajoyê nirxandin hatin kirin. Welatiyên tevlî civînê bibûn jî destnîşan kirin ku aştî bi yek alî nabe û divê dewlet jî destê xwe dirêjî aştiyê bike û gavan biavejê.
Li mezraya Qireş a giredayî gundê Behmor û taxa Dicleyê yên navçeya Cizîrê jî civînên gel hatin lidarxistin. Di civînan de daxuyaniya Rêberê PKKê Abdullah Ocalan a bidîmen û merasîma şewitandina çekan hatin temaşekirin. Piştrê jî nivîs hat xwendin û li ser pêvajoyê nirxandin hatin kirin. Bi her du civînan re li Cizîrê bi giştî 30 civîn pêk hatin û civînên li Cizîrê bi dawî bûn.
Ji Abdullah Ocalan piştî 26 salan banga bi dîmen
Amed
Li navçeya Erxeniyê il qada Meyadunê civîna civaka demokratîk hate lidarxistin. Hevşaredarê Erxeniyê Şiyar Guldîken, rêveberên DEM Partî û DBP'ê yên navçeyê jî di nav de bi sedan kes tevlî civînê bûn. Di civînê de qala Banga Aştî û Civaka Demokratîk a Abdullah Ocalan hate kirin. Beşdaran diyar kirin ku ew ji Rêber Apo bawer dikin û xwestin, dewlet gava şênber diavêje.
Dîlok
DBP'ê li navçaya Şehîdkamîl a Dîlokê li taxa Kocatepeyê şahiyek lidar xist. Endama Meclîsa Partiyê ya DBP'ê Mûazzez Orhan Işik destpêkê axivî. Piştre endamê Meclîsa Partiyê ya DBPê Ûgûr Bayrak got: "Rojava ji bo me xeta sor e. Keda 20 salan a Birêz Ocalan lê heye. Li maseya ku Birêz Ocalan lê ye em ti carî winda nekin."
Civîna jinan
Li taxa Guzelvadî ya Şahînbey a Dîlokê jî civîna jinan hate lidarxistin. Di civînê de qala paradîgmaya azadîparêziya jinan ya Ocalan hate kirin.
Meletî
Li navçeya Meletya Kewn a Meletiyê li taxên Serîntepe û Mamûrekê, li navçeya Erxevanê li taxa Nermikan civînên gel hatin lidarxistin. Di civînê de banga bi dîmen a Ocalan hate nîşandan.
Riha
Li navçeya Hewag a Rihayê li taxên Kişika, Pirsûs Yildirim, Dîkîlî û Şewra, Eyyubie Yolbîlır, Wêranşar Buyuk Mûtlû, Kuçuk Mûtlû û Aritir, Sêwereg Badrîkê civînên gel hatin lidarxistin.
Ji Abdullah Ocalan banga ‘Aştî û Civaka Demokratîk’
(AY)
