Partiya Wekhevî û Demokrasiyê ya Gelan (DEM Partî) piştî banga dîrokî ya Rêberê PKKê Abdullah Ocalan, dest bi serdanên partiyên siyasî kiribû. Di vê çarçoveyê de şandeya DEM Partiyê serdana MHPê jî kir.
Li gorî nûçeya Ajansa Mezopotamyayê Civîna bi MHPê re li Meclisê hat kirin.
Di şandeya DEM Partiyê de Hevserokên Giştî yên DEM Partiyê Tulay Hatîmogûllari û Tuncer Bakirhan, Serokwekîlê Meclisê yê DEM Partiyê Sirri Sureyya Onder û Serokwekîla Koma DEM Partiyê Gulistan Kiliç Koçyîgît hebûn.
Şandeya DEM Partiyê ji aliyê Cîgirê Serokê Giştî yê MHPê Semîh Yalçin, Cîgirê Serokê Giştî yê ji Hiqûq û Karûbarên Hilbijartinê Berpirsyar Fetî Yildiz û Cîgirê Serokê Giştî Îsmaîl Faruk Aksu ve hate pêşwazîkirin.
Tê payin ku piştî hevdîtinê daxuyaniyeke hevpar were dayin.
(RT/AY)
