Ji bo nûçeya tirkî / ingilîzî bitikîne
Kartên ziman yên tenduristiyê Li Nexweşxaneya Medîcal Parka Elezîzê ji bo nexweşên ku zimanê Tirkî nizanin tê bikaranîn. Li Elezîzê zimanê herî zêde tê bikaranîn yek jî jê zimanê Kurdî ye û zimanê kurdî di nav 17 zimanan de li kartên ziman de cîh nagire. Parlamentera Partiya Demokratîk a Gelan(HDP) ya Amedê Semra Güzelê, ev mijar kiriye rojeva parlamentoyê.
Semra Güzel jî li ser vê mijarê ji bo bersiv dayînê pêşniyazname pêşkeşî Wezîrê Tenduristiyê Fahrettîn Koca kiriye.
Ma Zimanê kurdî “ziyandar e”?
Di pêşniyaznamê de ji Wezîrê Tendirustiyê Fahrettîn Koca bersiva van pirsiyara hatiye xwestin:
Rêvebiriya nexweşxanêye tevî zimanê Îngilîzî, Almanî, Fransî, Japonî, Flemenî û Arnawidî bi 17 zimanan xizmetê didin, hinceta nebûna zimanê kurdî di nav kartên ziman de çî ye ?
Derbarê mijara navborî de wezareta we tu lêpirsînekê amade kiriye?
Herçiqas di Nexweşxaneya Medîcal Parka Elezîzê de wergêrê Kurdî hebe jî ji ber çi zimanê kurdî di nav kartên ziman de cîh nagire?
Axavtina bi kurdî û xizmet dayina bi kurdî ji aliyê wezareta we ve ziyandar tê dîtin?
Nexweş dema ku bi zimanê xwe xizmeta tenduristiyê bigre ji bo proseya tedawiyê girînge. Zimanê kurdî li Tirkiyeyê 2em zimane ku pê tê axavtin, çi xebatek we heye ji bo zimanê kurdî di dezgehên tenduristiyê de bibe zimanê xizmetguzariyê? (AÖ/AY/MB)
* Abdulselam Yildirimî ev nûçe ji tirkî wergerandiye
