Çîgdem Mater: Di sînemayê de girtîgeh
Girtiya Doza Geziyê û çêker Çîgdem Materê ku weke wê jî gotiye ji bo bernameya ku "tu carî temaşe nekiriye" nivîsek amade kir.
Metna ku Çîgdem Materê ji bo bernameya "Kapsul" a kanala YouTubeyê ya "Kutsal Motor"ê nivîsandiye, lîstikvan Ece Dizdarê xwend.
Di vîdeoyê de dîmenên fîlmên girtîgehan û dîmenên girtîgehên yên di sînemaya Tirkiye û cîhanê de cih digirin hene. Pevxistina vîdeoyê Gizem Bayikselê, muzîka vîdeoyê jî Kaan Karsan çêkiriye.
Ekîbê, vîdeo wiha ragihand:
“Derhêner Çîgdem Mater di doza Parka Gezîyê de ji ber ku fikra wê ya çêkirina belgefîlmek hebû bi tohmeta ku 'alîkariya hewldana hilweşandina hikûmetê kiriye' dihat darizandin û 18 sal cezayê girtîgehê lê hat birîn.”
“Dema ku me jê xwest ji bo vê bernameyê tiştekî binivîsîne, wê bernameyên berê temaşe nekiribû û mixabin derfeta temaşekirinê jî nebû. Û piştî demekê nivîsa wê ya bi navê girtîgehên di sînemayê de ku li ser bingeha serhatiyên xwe amade kirî, gihîşte destê me.”
“Têbînî: Çîgdem Materê beriya ku cezayê wê ji aliyê Dadgeha Bilind ve were pejirandin, metna vê vîdyoyê nivîsandiye.”
"Lîstikek piçûk"
Çîgdem Mater di destpêka vîdyoyê de dibêje ku hûn dikarin qawiş û odeya ku ez di girtîgehê de lê dimînim di rêzefîlma "Eşkıya Dunyaya Hukumdar Olmaz(Rêbir Nikare Bibe Hukumdarê Cîhanê)" de ku di beşa girtina Denîz Çakirê de bibînin û weha berdewam kiriye:
“Ez li gor xwe lîstikek piçûk dilîzim. Ez ji bo bernameyek ku min qet lê temaşe nekiriye li gor xwe naverokek çêdikim û derbarê bernameyê de çi fikrek min nîne ku ji bo kê çi dibêje. Têkildarî tiştên ku di bernameyê de diqewime û baweriya min a bi ekîba Kutsal Motorê, çend nîşaneyên min hene.
"Ji ber vê yekê ez difikirim ku ez dikarim vê lîstikê bilîzim, û ez dikarim we jî bikim hevparê lîstika xwe. Di Sînemayê de Gîrtîgeh, ez pir afirîner im, ne wisa? Min mijarek hilbijart ku qet nayê bîra kesî."
Derbarê Çîgdem Materê de
Sînemakar, Çêker û Rojnameger e. Belgefîlm û fîlmên metraj dirêj û kurt yên wê hene.
Fîlmên wê çêkirine yên ku li Tirkiyeyê û li derve xelat girtine ev in:
Yaban(Biyan) (2022/ Pêşbirka Netewî ya Festîvala Fîlman a Stenbolê), Ah Asuman (2019), Silivri'den mektuplar ( 2019)(Ji Silîvriyê Name), Sivas (2014)(Sêwas), Soluk (2019), Toz Bezi (2015) û Çoğunluk (2010)
Di projeyên navneteweyî yên li Tirkiyeyê hatine çêkirin de weke çêkera berpirs kar kiriye. Di nav wan projeyên navneteweyî de belgefîlma bi navê Lehiya Mirovan ya Aî Weîweî û fîlma bi navê Weldî ya derhêner Mohamed Ben Attîa jî hene.
Koordînatora Berpirs ya Bernameyên Kafkasan li Anadolû Kulturê (2005-2009), Koordînatora Navenda Fîlman a Mîthat Alam a Zanîngeha Bogazîçiyê (2009-2010) û Koordînatora Platforma Sînemayê ya Tirkiye-Ermenistanê.
Di navnera salên1997-2005an de weke wergêr, çêker û nûçegîhan li saziyên medyayê yên navneteweyî yên weke BC News, Boston Globe, Sky News, Radio France International, ARTE, Le Nouvel Observateur û Los Angeles Timesê kar kiriye.
Li Zanîngeha Anadoluyê beşa sînemayê qedandiye û li Zanîngeha Marmarayê jî li ser sosyolojiya medyayê master kiriye.
(TY/AY)
