Ji bo nûçeya Tirkî bitikîne
Kesê ku li Reinayê êriş pêk aniye di saet 01:15an de hatiye cihê bûyerê û di saet 01:22an de ji wir çûye.
Li gorî agahiyên nûçegihanê CNN Turkê Hakan Tunç piştî ku polîsê li derê Reinayê hatiye kuştin, gule bi ser kesên ewlekar de hatiye reşandin.
Êrişkar 7 deqîqe di hundir de maye û bi ser 700 kesan de gule reşandiye. Piştre jî kincên xwe guherandiye û ji wir reviye.
Derbarê mijarê de lêpirsîn dewam dike.
Xwediyê Reinayê: Her çiqas tedbîr hatibûn hilanîn jî...
Xwediyê Reinayê Mehmet Koçarslan derbarê mijarê de daxuyaniyeke nivîskî weşand.
Koçarslan destnîşan kir ku li wê herêmê 2 hefteyê tedbîrên mezin hatine hilanîn û wiha got:
“Nêzî 2 heftene li ser riya Arnavutkoy-Bebek-Ortakoyê emniyetê tedbîran hilanîbûn. Li gelek deveran bendê kontrolê hatibû danîn. Ekîbên ewlehiya sahilê jî dixebitîn. Em jî matmayî ne ka ev bûyer çawa pêk hat. Em nizanin çi bêjin. Ti gotin nîn e.”
(EKN/YO)
