Biryara zindanîkirina li malê ya derbarê Gulşenê de betal bûye

Ji bo nûçeya tirkî / ingilîzî bitikîne

Rojnameger Îsmaîl Saymaz li ser hesabê xwe yê Twîtterê ragihandiye ku cezayê zindanîkirina li malê yê ji bo stranbêj Gulşenê hatiye rakirin.

Parêzer Celal Ûlgen ji TELE1ê Firat Yeşîlçinarî re axivîye û gotiye, "Biryaya zindanîkirina malê ya Gulşenê rabûye. Li şûna wê biryara qedexeya derketina derve û hefteyê carekê îmze hatiye dayîn. Ev biryareke gelek giran e.  Ji ber ku gelek konserên wê li derveyî welat hene.  Ev biryar dê bandorê li konserên wê jî bike. Divê ev jî bê rakirin.”

Çi bûbû?

Serdozgeriyê bi tohmeta ku Gulşenê li gorî Xala 216ê ya Qanûna Cezayan a Tirkan (TCK) "kîndarî di nava gel de belav kiriye û dijminatî di nava wan de çêkiriye" û sûc kiriye. Divê polîs îro (25ê Tebaxê) Gulşenê bibin dozgeriyê.

Li gorî nûçeya Oda TVyê, ji ber gotinên Gulşenê yên derbarê Lîseyên Perwerdeya Mela û Xetîban de lêpirsîna wê tê kirin.

Gulşenê di 30ê Nîsanê de, di dema konsereke xwe de, li ser dikê gotiye, "Berê wî di (lîseya perwerdeya) mela û xetîban de xwendiye, ji ber wê ye jirêketîbûna wî." Piştî ev gotinên Gulşenê li ser medyaya civakî hatin weşandin, gelek kesan bertek nîşan da û bi hashtaga "#GülşenTutuklansın" (Bila Gulşen bê girtin) û "#HaddiniBilGulşen" (Hedê xwe bizanibe Gulşen) gelek tweet hatin weşandin. Her weha gef lê hate xwarin.

Yek ji kesên ku Gulşen kiribû hedef, rojnameya Sabahê bû. Rojnameya Sabahê nûçeyek derbarê Gulşenê de weşandibû û gotibû: "Gotinên skandal ên Gulşenê (lîseyên perwerdeya) mela û xetîban dike hedef derketine holê ku di konserên xwe de ala LGBTIyan vedike, dibêje 'kesên naecibînin bila biçin' û ev gotinên wê bûne sedema bertekan."

Her weha Serokê Saziya Karûbarên Olî Ali Erbaşî jî li ser hesabê xwe yê Twitterê peyamek weşandiye û bertek nîşanî Gulşenê daye. Erbaşî diyar kiriye ku gotinên Gulşenê nayên qebûlkirin.(TY/AY)