Bi daxwaza dozgeriyê dest danîn ser şîrketa Ekrem Îmamoglû

Di çarçoveya lêpirsîna ku li dijî Şaredariya Bajarê Mezin a Stenbolê hat destpêkirin de derbarê 106 kesî de biryara desteserkirinê hat dayîn û Serokê Şaredariya Bajarê Mezin a Stenbolê Ekrem Îmamoglû hat desteserkirin.

Derbarê Îmamoglû û gelek CHPyiyan de biryara desteserkirinê hat dayîn

19 Adar 2025

Serdozgeriya Komarî ya Stenbolê ragihand ku wan dest danîne ser şîrketa avahîsaziyê ya şaredarê Stenbolê Ekrem Îmamoglû. 

Serdozgeriyê derbarê mijarê de ev daxuyanî da:

"Li gorî raporên MASAKê, li ser daxwaza Serdozgeriya Komarî ya me û bi biryara Dadgeha Cezê û Aştiyê, dest danîne ser Şîrketa Pîşesazî û Bazirganî ya Avahîsaziyê ya ku Ekrem Îmamoglû hevkarê wê ye."

Serdozgeriya Komarî ya Stenbolê di çarçoveya 3 lêpirsînên cuda de ji bo zêdetirî 100 kesan biryara desteserkirinê da ku Şaredarê Bajarê Mezin ê Stenbolê Îmamoglu jî di nav de ye.

7 kesên ku Îmamoglû, rêvebirên şaredariyê û şaredarê Şîşliyê Resûl Emrah Şahan jî di nav de ne bi îdiaya ku “Bi zanebûn beşdarî xebatên lihevkirina bajarî bûne û alîkarî dane rêxistina terorê PKK/KCKê” hatin sûcdarkirin.

Bi desteserkirina Ekrem Îmamoglû re platformên medyaya civakî hatin sansurkirin

19 Adar 2025

Partiya Gel a Komarî (CHP) di çarçoveya kampanyaya "Were hilbijêre, dîrokê binivîsîne" wê di 23ê Adarê de namzetê xwe yê serokomariyê hilbijêre. Îmamoglûyê ku duh êvarê (18ê Adarê) dîplomaya wî ya xwendina bilind hat betalkirin, namzetê CHPê yê serokomariyê bû. Îmamoglu dê îro li Meydana Maltepeyê mîtîngeke mezin li dar bixista.

Li Stenbolê hemû cûre meş û xwepêşandan hatin qedexekirin

19 Adar 2025

(AY)