Bernameya Wêjegeh Amedê ya Kanûna Paşiyê ya 2023yan diyar bû. Di bernameya destpêkê de wê Bedriye Topaç bibe mêvan. Topaça ku bi zazakî çîrok û helbestan dinivîse, wê di bernameya xwe de behsa pirtûka xwe ya dawî "Sebr"ê bike ku Weşanxaneya Vateyê ew weşandiye. Bername wê roja 17ê Kanûna Paşiyê saet di 18:30 deqîqeyan de pêk bê.
Bernameya duyem a Wêjegeh Amedê bi mêvandariya Mihemed Şarmanî wê li dar bikeve. Piştî pirtûkên wî yên çîrok û romanên bi kurdî, ji Weşanên Everestê pirtûkeke wî ya bi tirkî ya bi navê “Çimkî Bav Dimirin” derket. Bername roja 19ê Kanûna Paşiyê, saet di 18:30an de pêk bê.
Abdullah Aren Çelik, leqayîhevbûna Evdalê Zeynikê û Dadaloğlu ya di qada şer de xistiye navenda romana xwe ya dawî. Çelik wê roja 21ê Kanûna Paşiyê, piştî nîvro saet di 16:00an de bibe mêvanê Wêjegeh Amedê.
Mêvanekî din ê Wêjegeh Amedê nivîskar, helbestkar û hêçanenivîsê ûkraynayî Andriy Lyubka ye. Ew yek ji nivîskarên antolojîya bi navê Gihîştinê ye. Wê 25ê Kanûna Paşiyê saet di 16:30an de li Wêjegeh Amedê behsa nivîskarî û helbestkariya xwe û ya Ûkraynayê bike.
Bernameya dawî ya meha Kanûna Paşiyê wê bi beşdariya weşanger û helbestvan Mem Bawerî pêk bê. Ew ê 31ê Kanûna Paşiyê saet di 18:30an de, li Wêjegeh Amedê behsa bîst saliya helbestkariya xwe bike. Moderatora bernameyê Roza Metîna ye. (FD)
