Serokê Partiya Tevgera Neteweperest (MHP) Devlet Bahçelî bi boneya Cejna Qurbanê serdana gora Alparslan Turkeş ku li Beştepeyê ye, kir.
Piştî ku Bahçelî qurnefîl danî ser gora Turkeş, daxuyanî da rojnamegeran. Her weha di rojeva Bahçelî de çekdanîna PKKê û xebatên destûra bingehîn a nû hebûn.
Bahçelî diyar kir ku Cejna Qurbanê di atmosfereke kêfxweş de hatiye pîrozkirin û got, "Mebesta min ji atmosfereke kêfxweş ew e ku meşa ber bi armanca Tirkiyeyek bê teror bi vê cejnê re xurttir dibe."
Bahçelî careke din Abdullah Ocalan wekî serokê damezrîner ê PKKê bi nav kir, behsa hilweşandina rêxistinê û danîna çekan kir.
Devlet Bahçelî li ser gora Alparslan Turkeş, careke din Rêberê PKKê Abdullah Ocalan weke rêberê damezrîner bi nav kir û behsa hilweşandina rêxistinê û danîna çekan kir.
Bahçelî got ku divê di zûtirîn demê de xebatên li ser destûreke nû bê dest pê bikin.
Devlet Bahçelî li ser rojevê diyar kir ku pêwîstî bi destûreke ku xwe bispêre îradeya neteweyî heye û piştî cejnê dê kar û xebatên destûra nû bên birêvebirin.
Nîqaşên ji bo Destûra Bingehîn
Serokê Giştî ê MHPê Devlet Bahçelî weha got:
“Pêwîstiya Tirkiyeyê bi aramî û aştiyê heye. Ji ber vê yekê jî piştî cejnê di çarçoveya yasayan de di amadekirina destûreke nû de roleke girîng dikeve ser Parlamentoya Tirkiyeyê.
Em dixwazin kar û xebateke ku Tirkiyeyê ji bo siberojê amade bike bidin destpêkirin. Divê Destûra darbeyê were jinavbirin û were qebûlkirin ku pêwîstî heye bi nêrîna hemû partiyên siyasî destûreke ku xwe dispêre îradeya neteweyî bê amadekirin.
Ya duyemîn divê yasaya partiyên siyasî di ber çavan re bê derbaskirin. Sêyemîn divê sîstema hilbijartinan di ber çavan re bê derbaskirin. Çaremîn ji bo parlamento zêdetir karibe karê xwe bike divê kar bê nûjenkirin û rola parlamentoyê bê bihêzkirin.”
(HA/AY)
*Çavkanî: MA, Rudaw,
