Amerîkayê li ser ‘rakirina parêzbendiyan’ got : Ji bo azadiya ramanî em bifikar in

Ji bo nûçeya Tirkî bitikîne

Berdevkê, Wezareya Karên Derve ya Amerîkayê, Mark Tonerî da zanîn ku piştî Receb Tayyîp Erdoganî qanûna li ser parêzbendiyan pesend kir, asteng dê bikeve ser azadiya ramanî.

‘’Ez dixwazim vê yekê jî bibêjim, ev guhertin dê tesîreka neyînî li ser temama Tirkiyeyê bike. ‘’

‘’Em ji ber vê [rewşê] bifikar in.’’

Tonerî li gotinên xwe zêde kir û got :

‘’ Em bawer dikin ku di serî de ji bo axiftinên sîyasî divê azadiya ramanî bê parastin. ‘’

‘’ Em ê mijarên em li ser bifikar in ji hikûmeta Tirkiyeyê re bibêjin.’’

‘’Dadgeha Makeqanûnê duhî daxwaza betalkirina qanûna li ser parêzbendiyan ya parlamenterên HDP û CHPyê qebûl nekiribû.’’

HDPyê da zanîn ew ê li ser navê partiyê û parlamenteran serî li Dadgeha Mafên Mirovan a Ewropayê bidin. (YY/MB)