Rojnameya Agos, ku di sala 1996an de ji aliyê Hrant Dink û komek hevalên wî ve ji bo behsa pirsgirêkên Ermeniyên li Tirkiyeyê ji raya giştî re bike, hatiye damezrandin. Agos îro gihîştiye hejmara xwe ya 1500emîn.
Agos, rojnameya yekem a serdema Komarêye ku bi zimanên Tirkî û Ermenî hatiye weşandin. Her weha xwedî xeteke weşanê ye ku li ser demokratîkbûn, mafên kêmneteweyan, rûbirûbûna bi rabirdûyê re, û parastin û pêşxistina pirrengiyê li Tirkiyeyê disekine.
Rojnameya Agosê bi hejmara xwe ya 1500emîn dê sibê (30ê Gulanê) li firoşgehan be. Bi mebesta vê hejmarê ev peyam hatiye weşandin:
"Bi rojnameya ku li ber destên we ye, Agos gihîştiye hejmara xwe ya 1500emîn. Em spasiya hemû hevalên xwe dikin ku heta îro li gel me bûn û bi me re meşiyan. Em bi we re heta vir hatin, baş e ku hûn hene."
Agos wekî rojnameyek ku ji nav civaka Ermeniyên Tirkiyeyê derketiye holê. Her weha rojnameya Agosê armanc dike ku zêdetir cih bide pirsgirêkên Tirkiyeyê û cîhanê.
(TY/AY)
