75 baro: Em ê ti carî dest ji têkoşîna edaletê bernedin

Serokê berê yê Baroya Amedê Tahîr Elçî di 28ê Mijdara 2015an de li ber Minareya Çarling a dîrokî ya li navçeya Sûrê hatibû qetilkirin. Danişîna biryarê ya doza kuştina Elçiyî di 12ê Hezîranê de pêk hat û dadgehê biryara beraeta polîsên bersûc S.T., F.T. û M.S. da.

75 baroyan li dijî biryarê bertek nîşan dan û daxuyaniyek hevpar belav kirin.

Di daxuyaniya baroyan de weha hatiye gotin:

“Serokê Baroya Amedê Parêzer Tahîr Elçî di 28ê Mijdara 2015an de li ber Minareya Çarling a dîrokî ya Amedê ji bo rûxandinên ji ber şer çêbûne bi raya giştî re parve bike, xwedî li mîrateya çandî derbikeve û ji şer û çekan re bêje na daxûyanî dabû û di dema daxûyaniyê de hatibû qetilkitin. Di çarçoveya lêpirsîna ku Serdozgeriya Komarî ya Amedê dabû destpêkirin de sê polîsên gumanbar li lêpirsînê hat zêdekirin û îddianameya piştî çar salan hat amadekirin di Adara 2020an de ji dadgehê re hatiye şandin. 10emîn Dadgeha Cezayê Giran a Amedê di 11 danişînên 4 salan de hemû daxwazên girîng ên ji bo ronîkirina kuştinê red kir û di danişîna biryarê ya 12ê Hezîrana 2024an de derbarê polîsên dihat darizandin de biryara beraetê da."

"Heta faîlên Tahîr Elçî dernekeve pêşberî darazê û bi awayekî edîl neyên darizandin, di rastiyê de kuştinên ku faîlên wan diyar in dê weke ne diyar bimînin. Em weke baro, ji bo ku faîl an jî faîlên Tahîr Elçî yê ku jiyana xwe ya pîşeyî ji bo têkoşîna li dijî bêcezatiyê da, bêceza nemînin, em ê têkoşîna xwe ya hiqûqî bidomînin.”