Ji ber ku çalakiyên li dijî girtina Serokê Şaredariya Bajarê Mezin ê Stenbolê Ekrem Îmamoglû yên li Saraçhaneyê dişopandin, duh (24ê Adarê) piraniya wan nûçegihanên fotografan 8 rojnameger hatin desteserkirin. Ji wan îfadeyên 7an ên li Emniyetê bi dawî bûn.
Rojnamegerên desteserkirî ku ji bilî nûçegihana sendika.orgê Zîşan Gurê danê sibehê sewqî Edliyeya Stenbolê ya li Çaglayanê hatin kirin û li dozgeriyê îfade dan.
Di serdegirtinên malan de gelek rojnameger hatin desteserkirin
Li gorî agahiyên ku bianetê ji çavkaniyên edliyeyê girtin, dozgerê dosyeyê di destpêkê de bi daxwaza kontrola edlî rojnamegerên desteserkirî sewqî Dadgeha Cezê û Aştiyê kirin. Lê belê piştre biryara sewqê guhert û xwest rojnameger bên girtin.
Rojnameger bi îdiaya ku “Li dijî Qanûna Civîn û Xwepêşandanan a Hejmar 2911 derketine” tên sûcdarkirin. Dadgehê biryara girtina rojnamegeran da.
Rojnamegerên ku dadgehê biryara girtina wan da ev in:
- Nûçegihanê fotografan yê AFPê Yasîn Akgul,
- Nûçegihanê nûçegîhanê Ajansa Nowê Alî Onur Tosun,
- Nûçegihanê fotografan Bulent Kiliç,
- Nûçegihan Zeynep Kuray,
- Nûçegihanê fotografan yê ÎBBê Kurtuluş Arı,
- Nûçegihanê fotografan ê Şaredariya Bakirkoyê Gokhan Kam
- Nûçegihan Hayrî Tunc
Rojnameger bi îdiaya ku “Li dijî Qanûna Civîn û Xwepêşandanan a Hejmar 2911 derketine” tên sûcdarkirin. Dadgehê biryara girtina rojnamegeran da.
Li Stenbol, Îzmîr û Edeneyê gelek kes hatin desteserkirin
(HA/AY)
