Partiya Gel a Komarî(CHP) di 1ê Tîrmehê de li Meydana Saraçhaneya Stenbolê ji bo girtina Ekrem Îmamoglû protesto bikin di 100emîn roja girtinê de mîtingek li dar xist.
Di mîtîngê de bi îdiaya ku heqaret li Serokkomar Recep Tayyip Erdogan kirine û li dijî hêzên ewlehiyê li ber xwe dane, 34 kes hatibûn desteserkirin. Karên îfadeyê yên desteserkiriyan yên li dozgeriyê bi dawî bû.
Gumanbar li Edliyeya Stenbolê ne. 7 gumanbar bi tohmeta ku "heqareta li Serokkomar kirine" û "Li Dijî Qanûna Civîn û Xwepêşandanan derketine" û 8 gumanbar jî tenê bi tohmeta ku li dijî qanûna xwepêşandanan derketine, tên sûcdarkirin. Dozger 15 gumanbar bi daxwaza girtinê şand dadweriya cezê û aştiyê. Dadgehê biryara girtina 7 kesan da.
Her weha ji bo 19 kesan jî şertê kontrola edlî xwest.
Wezîrê Karên Navxweyî Alî Yerlîkaya ragihandibû ku li Saraçhaneyê bi tevahî 42 kes hatine desteserkirin û derbarê wan de lêpirsîn hatiye destpêkirin. 8 ji van kesan duh hatin berdan.
(EMK/AY)
