Du roj berê (3ê Hezîranê) di çarçoveya lêpirsîna sûcên darayî a li dijî Şaredariya Bajarê Mezin a Stenbolê û lêpirsîna rêxistina sûc de ku tê îdiakirin Aziz İhsan Aktaş "berpirs wê ye" 22 kes hatin girtin.
Piştî girtina şaredarên CHPê, Wezareta Karên Navxweyî îro ragihand ku ji ber lêpirsînên edlî û biryarên girtinê yên derbarê wan pênc şaredaran de bi awayekî demkî ew ji wezîfeyê hatine dûr xistin.
Di vê çarçoveyê de; Şaredarê Avcılarê Utku Caner Çaykara, Şaredarê Buyukçekmeceyê Hasan Akgun, Şaredarê Gaziosmanpaşayê Hakan Bahçetepe, Şaredarê Ceyhana Edeneyê Kadir Aydar û Şaredara Seyhana Edeneyê Oya Tekin ji wezîfeyê hatin dûrxistin.
Ev biryar li gorî xala 127an a Destûra Bingehîn û xala 47an a Qanûna Şaredariyê ya Hejmar 5393 hatiye girtin.
Tê çaverêkirin ku Wezareta Navxweyî li şûna şaredarên ku ji kar hatine dûrxistin kesên din wezîfedar bike.
(TY/AY)
